VIJANA 6,000 WAKATOLIKI WAPEWA ELIMU

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Imeandikwa na John Mhala, Arusha

Askofu Mkuu wa jimbo hilo, Mhashamu Josephat Lebulu

ZAIDI ya vijana 6,000 wa Kanisa Katoliki Jimbo Kuu la Arusha, wamenufaika na elimu ya malezi na maadili mema ambayo itawawezesha wawe na utu na kuboresha familia zao

Hayo yalisemwa na Askofu Mkuu wa jimbo hilo, Mhashamu Josephat Lebulu (pichani) alipozungumza katika maadhimisho ya sherehe za upadrisho wa mashemasi watatu, zilizofanyika katika Kanisa Katoliki Parokia ya Burka, juzi.

Askofu Lebulu alisema kuwa jimbo hilo linapenda kuwaandaa viongozi wakiwa wadogo kupitia shule za pekee za seminari za jimbo hilo ikiwemo ya Usa River, ambayo ni kwa ajili ya wavulana pamoja na ya seminari iliyopo Kisongo ambayo ni ya kuwaandaa wasichana waweze kukua katika maadili mema.

Alisema mmomonyoko wa maadili, unazidi kuongezeka katika jamii kutokana na wazazi kushindwa kusimamia malezi ya watoto na kwamba wao kama kanisa wamejiwekea utaratibu wa kuelimisha vijana ambao wamemaliza darasa la saba ili kuwajengea maadili ambayo yatawajenga katika utu.

Mkurugenzi wa Miito katika jimbo hilo, Padri Fulgence Mallya alisema kuwa kupatikana kwa mapadri hao ni neema, kwani awali ilikuwa changamoto na kwamba wataweza kusaidia Kanisa Katoliki kufikia watu wengi kupatiwa huduma.

CHANZO HABARI LEO