WADAI KUBAMBIKIWA KESI

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

DIWANI wa Levelos, Ephata Nanyaro (CHADEMA) amelitaka Jeshi la Polisi mkoani Arusha kuacha kufanya kazi kisiasa kwani inaweza kuhatarisha amani na usalama.

Alidai kuwa siku chache baada ya kutoa kauli kwenye Baraza la Madiwani akilaani kauli ya kibaguzi ya Mkuu wa Wilaya, John Mongela aliyedaiwa kuwaeleza machinga wasiotaka kutii kanuni za jiji warudi walipotoka. Jeshi hilo limemtengenezea kesi ya jinai ya kumpiga mgambo wa jiji.

Alisema hayo jana alipozungumza na waandishi wa habari jijini hapa, kwamba alipigiwa simu juzi (Jumatatu) asubuhi na askari wa upelelezi aliyejitambulisha kwa jina la Evarest akimtaka afike polisi ili apelekwe mahakamani pamoja na Naibu Meya, Prosper Msofe (CHADEMA).

Kwa mujibu wa diwani huyo, alibambikiziwa kesi hiyo Aprili 16 mwaka huu siku waliyopigwa na mgambo kwenye ghala la halmashauri hiyo lililopo Levelos baada ya wao kufuatilia malalamiko ya wananchi kuwa wanafungiwa huko na kupigwa na mkia wa faru na kwamba hadi sasa wananchi watatu wamevunjwa miguu.

Chanzo:Tanzania Daima