WANANCHI WA VIJIJINI MERU KUPEWA ELIMU JUU YA UMUHIMU WA TAASISI ZA KIFEDHA KWENYE UCHUMI WAO

Na Gladnesss Mushi, MERU

CHAMA cha Mapinduzi Wilaya ya Meru Mkoa wa Arusha kimeweka utaratibu maalumu wa kuhakikisha kuwa kinashirikiana na taasisi mbalimbali za fedha ili kuweza kutoa elimu pamoja na huduma mbalimbali za kifedha hasa maeneo ya vijijini huku lengo likiwa ni kuongeza ufanisi wa kiuchumi

Hayo yamelezwa hivi karibuni na Mwenyekiti wa Chama hichoBw Furaini Mungure wakati akiongea na wananchi wa Mareu kuhusiana na umuhimu wa kujiunga na taasisi za fedha

Mungure alisema kuwa mpango huo utaanza hivi karibuni na utafadhiliwa na chama hicho ambapo taasisi hizo zitaitwa na kisha kuanza kutoa elimu juu ya masulaa mbalimbali ya kifedha

Alifafanua kuwa mpango huo utaenda katika maeneo ya vijijini zaidi ambapo mpaka sasa takwimu zinaonesha kuwa pamoja na kuwepo kwa huduma nyingi za kifedha katika maeneo ya mijini lakini vijijini bado wananchi wengi hawajui hata umuhimu wa kutumia huduma hizo

Mbali na hayo alidai kuwa kwa sasa kuna umuhimu mkubwa sana wa Mabenki nayo kujiwekea utaratibu wa kutoa elimu ya masuala mbalimbali kama vile ukopaji hasa vijijini kwani wengi sana wanaokopa huishia kwenye mashindano ya nguo lakini hata Vinywaji

Alisema,kama wananchi watapata elimu ya kutosha hususani kwenye suala zima la ukopaji ni wazi kuwa mikopo inayotolewa katika maeneo ya vijiji itaweza kusababisha mabadiliko ya uchumi lakini pia hata idadi ya wakopaji nayo itaongezeka sana.