UNESCO YATAKA UBIA NA MWEDO‏

DSC_0005
Mkurugenzi Mtendaji wa asasi ya Maendeleo ya wanawake wa Kimasai (MWEDO), Ndinini Kimesera (kushoto) akimkaribisha Mkurugenzi Mkazi wa Unesco nchini, Zulmira Rodrigues kwenye ofisi za asasi hiyo kwa ajili ya mazungumzo jijini Arusha.
Na Mwandishi Wetu, Arusha
SHIRIKA la Umoja wa Mataifa linaloshughulikia Elimu, Sayansi na Utamaduni (UNESCO) Tanzania, limesema kwamba litaingia ubia na asasi ya Maendeleo ya wanawake wa Kimasai (MWEDO) ili kuimarisha mradi wa kijiji cha digitali cha Ololosokwan.
Mradi huo mkubwa unaoendeshwa na Unesco kwa kushirikiana na Samsung umelenga kuinua maisha ya jamii ya wafugaji wa kimasai kwa kuwawezesha kielimu, kitamaduni na kiujasirimali.
Kauli ya kutaka kuingia ubia imetolewa na Mkurugenzi Mkazi wa Unesco nchini, Zulmira Rodrigues wakati alipokutana na Mkurugenzi Mtendaji wa Mwedo, Ndinini Kimesera katika ofisi za Mwedo mkoani Arusha.
Alisema Unesco inataka kutumia uzoefu wa Mwedo katika ushirikishaji wananchi hasa katika uwezeshaji ujasirimali na elimu kufanikisha moja ya miradi mikubwa ya kisayansi katika kijiji cha Ololosokwan.
DSC_0031
Mkurugenzi Mkazi wa Unesco nchini, Zulmira Rodrigues (kushoto) akiwa kwenye mazungumzo na Mkurugenzi Mtendaji wa asasi ya Maendeleo ya wanawake wa Kimasai (MWEDO), Ndinini Kimesera (katikati) alipotembelea ofisi hizo jijini Arusha. Kulia ni Mshauri wa kiufundi, usimamizi na tathmini wa MWEDO, Bw. Paul Wilson.
Alisema Rodrigues katika mazungumzo na Mtendaji wa Mwedo kwamba Unesco imetambua haja ya kushirikisha wabia wengi katika maendeleo ili kufanikisha mradi huo mkubwa unaotaka kutoa huduma za afya, elimu na kuleta mabadiliko chanya katika jamii ya wafugaji wa kimasai ili kuweza kutumia raslimali zao walizonazo kupata maendeleo ya kiuchumi na kijamii.
Alisema vifaa kwa ajili ya mradi wa kubadili kijiji cha Ololosokwan kuwa kijiji cha digitali vimeshafika katika bandari ya Dar es salaam na wakati wowote kuanzia wiki zijazo vitasafirishwa kuelekea kijiji hicho tayari kwa utekelezaji wa mradi huo mkubwa wa aina yake nchini ambao umelenga moja kwa moja wahusika.
Alisema mradi huo unataka kutumia teknolojia ya kisasa ya mawasiliano kuwawezesha wananchi wa kijiji hicho kupata mabdiliko makubwa ya kimaisha.
DSC_0019
Mkurugenzi Mkazi wa Unesco nchini, Zulmira Rodrigues akisisitiza jambo wakati wa mazungumzo na Mkurugenzi Mtendaji wa asasi ya Maendeleo ya wanawake wa Kimasai (MWEDO), Ndinini Kimesera.
“Tumefika kwenu kuona ni namna gani tutasaidiana kuimarisha mradi huu hasa utoaji wa elimu na ujasirimali na utafutaji masoko” alisema.
Alisema mradi huo umetaka kuhakikisha watoto wa wafugaji waume kwa wake wanapata elimu kwa kupitia teknolojia ya kisasa, huku ujasirimali kama utengenezaji wa shanga ukiwa katika soko na kuboreshwa zaidi.
Alisema kwa watu wazima wanataka kuwapa uelewa ili kuboresha maisha yao kiujasiriamali, kiafya na kiuchumi.
Alisema soko la bidhaa za wanakijiji wa Ololosokwan kama urembo wa shanga na mashuka zinazouzwa kwa watalii, zinaweza kupata soko zaidi kwa kuboreshwa.
DSC_0051
Afisa Miradi ya Mawasiliano, Habari na Tehama wa Shirika la Kimataifa la Sayansi, Elimu na Utamaduni (UNESCO) Bw. Al Amin Yusuph (kulia) akifafanua jambo kwa Mkurugenzi Mtendaji wa asasi ya Maendeleo ya wanawake wa Kimasai (MWEDO), Ndinini Kimesera (hayupo pichani). Kulia ni Mshauri wa kiufundi, usimamizi na tathmini wa MWEDO, Bw. Paul Wilson.
Alisema ameridhika na uhodari uliooneshwa na Mwedo katika ujasiriamali na hivyo wanataka kuimarisha uhusiano huo kwa kuhakikisha inawaleta watu wa kusaidia kuboresha elimu ya utengenezaji wa vifaa hivyo kwa soko la mataifa.
Alisema kwamba pamoja na kuwataka Mwedo kutafuta hosteli kwa ajili ya wabunifu hao ili kuziongeza thamani bidhaa kwa soko la kimataifa.
Naye Mtendaji wa Mwedo amesema kwamba wapo tayari kushirikiana na Unesco katika miradi ya wananchi wa jamii ya wafugaji.
DSC_0057
Mkurugenzi Mtendaji wa asasi ya Maendeleo ya wanawake wa Kimasai (MWEDO), Ndinini Kimesera akielezea shughuli mbalimbali zilizofanywa na asasi yake ikiwemo ujenzi wa shule ya sekondari MWEDO ikiwashirikisha wasichana wa kimasai wanaoishi katika mazingira magumu wakiwa ni wanafunzi waliokosa nafasi ya kupata elimu kwa kuwachukua wanafunzi kutoka maeneo mbalimbali kwenye jamii ya kifugaji, masuala ya ujasiriamali kwa wanawake wa kimasai pamoja na mambo mengine mengi yanayoendelea kufanywa na asasi hiyo kwa Mkurugenzi Mkazi wa Unesco nchini, Zulmira Rodrigues (kushoto). Kulia ni Mshauri wa kiufundi, usimamizi na tathmini wa MWEDO, Bw. Paul Wilson.
DSC_0044
Mkurugenzi Mkazi wa UNESCO aliambatana na Afisa mipango ya Elimu wa Shirika la UNESCO, Bi. Jennifer Kotta (kulia) pamoja na Afisa Miradi ya Mawasiliano, Habari na Tehama wa UNESCO, Bw. Al Amin Yusuph (kushoto). Katikati ni Afisa Mradi wa MWEDO, Martha Sengeruan.
DSC_0079
Mkurugenzi Mkazi wa Unesco nchini, Zulmira Rodrigues akiangalia bidhaa mbalimbali zinazotengenezwa na wakinamama wa kimasai kwenye duka la MWEDO mara baada ya mazungumzo na Mkurugenzi Mtendaji wa asasi ya Maendeleo ya wanawake wa Kimasai (MWEDO), Ndinini Kimesera (kulia). Katikati ni Afisa mipango ya Elimu wa Shirika la UNESCO, Bi. Jennifer Kotta.
DSC_0094
Mkurugenzi Mkazi wa Unesco nchini, Zulmira Rodrigues (kulia) akiteta jambo na Mkurugenzi Mtendaji wa asasi ya Maendeleo ya wanawake wa Kimasai (MWEDO), Ndinini Kimesera mara baada ya mazungumzo.
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.


DR. KIGODA AMETAKA TASISI KUBWA ZINAZOSHUGHULIKA NA MASUALA YA BIASHARA NA UWEKEZAJI KUKUTANA NA TRA

 
 Waziri wa viwanda na biashara dokta Abdallah Kigoda ametaka tasisi kubwa zinazoshughulika na masuala ya biashara na uwekezaji kukutana na mamlaka ya mapato nchini tra kujadili jinsi ya kuangalia kupunguza ushuru na hizo kodi zisozikuwa na tija ili  mazingira ya uwekezaji na uzalishaji uwe wenye faida.
Chanzo:ITV Tanzania
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

VIONGOZI WA SUDANI KUSINI WAKUBALIANA KUMALIZA TOFAUTI ZAO KWA NJIA YA MAZUNGUMZO.


Jitihada za Tanzania za kusaidia kuleta ufumbuzi wa mgogoro wa kisiasa katika nchi ya Sudani kusini kwa njia mazungumzo umeanza kuonyesha mwelekeo wa mafanikio baada ya viongozi wa makundi matatu yaliyotofautianandani ya chama cha (SPLM) kusaini makubaliano ya kusitisha mapigano na kuanza mazungumzo.
Wakizungumza baada ya kusaini makubaliano hayo mbele ya marais Mh. Uhuru Kenyeta wa Kenya, Yoweri Museven wa Uganda na mwenyeji wao Mh Rais Dr, Jakaya Kikwete viongozi makundi yote yaliyotofautiana wameahidi mbele ya marais Dr, Jakaya Kikwete wa Tanzania, kuheshimu makubaliano yaliyofikiwa.
Kwa upande wao rais Uhuru Kenyata wa Kenya na Yoweri Museveni wa Uganda wamewataka viongozi wa makundi hayo kuona umuhimu wa kutanguliza mbele maslahi ya wananchi wao wanaoendelea kuteseka kwa sababu ya tofauti za mitazamo ambazo zinaweza kumalizika bila  kupigana, na wameipongeza Tanzania kwa kuendeleza harakati za hayati baba wa taifa Mwalim Nyerere za kumaaliza matatizo kwa njia za mazunguzo.
Awali mwenyekiti wa mazungumzo hayo Mh John Malechelea na katibu wa CCM iliyokuwa inaratibu zoezi hilo Mh Abdulrahaman Kinana pamoja na kueleza baadhi ya makubaliano yaliyofikiwa na pande zote likiwemo la kuheshimu uhuru na haki kila mwanachama kugombea nafasi za uongozi wamewataka viongozi hao kuwa na uvumilivu wa  kisiasa.
Akihitimisha kikao hicho rais wa Tanzania Mh Dr, Jakaya Kiwete amesema Tanzania itanedelea kutoa mchango wake wa hali na mali wa kupigania amani na kuhakikisha mazungumzo yanatumika kumaliza tofauti popote zinapojitokeza kwani ni jambo linalowezekana.
Zoezi la kuhitmisha makubaliano hayo kwa kutiliana sahihi lilitarajiwa kufanyika saa nne hadi saa tano mchana wa tarehe 21/01/2015  lakini  halikuwezekana kutokana na kuibuka kwa mvutano miongoni mwao ambao ulisababisha zoezi hilo kumalizka saa sita na robo usiku. 
 Chanzo:ITV Tanzania
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
KUELEKEA UCHAGUZI 2015: JE UNAPENDA NANI AWE KIONGOZI WAKO? JAZA FOMU HII FUPI HAPA

WIZARA YASABABISHA TANAPA KUPOTEZA MAPATO BILIONI 80/-

 
Mwenyekiti wa Kamati Kudumu ya Ardhi, Maliasili na Mazingira, James Lembeli.
 
Shirika la Hifadhi za Taifa (Tanapa), limepoteza zaidi ya Sh. bilioni 80, kwa kipindi cha mwaka 2011 hadi 2014, kutokana na Wizara ya Maliasili na Utalii kutotangaza sheria ya tozo ya wageni katika hoteli za kitalii kwenye Hifadhi za Taifa kwenye Gazeti la Serikali (GN).
Mwenyekiti wa Kamati Kudumu ya Ardhi, Maliasili na Mazingira, James Lembeli, alisema mwaka 2011 Bunge lilipitisha Sheria ya ongezeko la tozo kwa wageni wanaofikia kwenye hoteli za kitalii hifadhini na Wizara kutakiwa kutangaza kwenye GN ili ianze kutumika.

Alisema baada ya Bunge kupitisha wafanyabiashara wa utalii mkoa wa Arusha walifungua kesi Mahakama Kuu Kanda ya Arusha, na Tanapa ilishinda katika hukumu iliyotolewa Septemba 14, mwaka jana na siku kumi baadaye waliiandikia Wizara juu ya amri ya Mahakama ya kutaka tangazo kuwekwa kwenye GN.

“Miezi minne sasa serikali haijatangaza, kila mwaka Tanapa ingepata mapato ya Sh. bilioni 20 sawa na Sh. bilioni 1.5 kila mwezi, lakini kwa uzembe na matakwa ya wachache haijatangazwa fedha zinapotea kwa wenye mahoteli kutengeneza faida kubwa zaidi,” alisema na kuongeza:

“Kamati inajiuliza kigugumizi cha nini kwenye hili? walioshtaki wangekuwa na kigugumizi Mahakama ingesema, tunaishangaa serikali inapotaka kufanya jambo lake inawafikiria wadau zaidi huku wadau ahwaifikirii serikali.”

Lembeli alisema kabla ya Bunge kupitisha sheria hiyo tozo la kila mgeni lilikuwa ni Dola za Marekani tano hadi nane kwa anayelala kwenye vyumba vya Dola 100 hadi 150, na hadi sasa inapata kiasi hicho huku bei ya chumba kimoja ikiwa ni Dola 600,000.

Alisema inashangaza watendaji wa serikali hawako tayari kulinda maslahi ya serikli bali ya wafanyabiashara.

Naibu Waziri, Mahamood Mgimwa, alisema hadi Januari 28, mwaka huu, watakuwa wameweka tangazo hilo na litawasilishwa mbele ya Kamati.

Hata hivyo, NIPASHE ilimtafuta Waziri Lazaro Nyalandu (pichani), ambaye ametajwa kwenye ripoti iliyowasilishwa kwenye Kamati kuwa amekuwa chanzo cha ucheleweshaji huo, simu yake haikupokelewa na hata alipotumiwa ujumbe mfupi haukujibiwa.
 
CHANZO: NIPASHE
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

WAWILI WAKAMATWA NA BUNDUKI

 Polisi wilayani Ngorongoro, Mkoa wa Arusha, inawashikilia wafugaji wawili kwa kosa la kukutwa na bunduki aina ya Rifle wanayodaiwa kuitumia kufanya uhalifu wilayani hapa na Kenya.
Katika msako ulioongozwa na Mkuu wa Polisi wa wilaya hiyo, Mrakibu (SP), Ally Mohamed Mkalipa alisema walifanikiwa kukamata silaha hiyo iliyokuwa imefichwa porini karibu na boma la ng’ombe la mfugaji mmoja.
Akizungumza jana na gazeti hili, Kamanda wa Polisi wa Mkoa wa Arusha, Kamishna Msaidizi Mwandamizi (SACP), Liberatus Sabas aliwataja wafugaji hao kuwa ni wakazi wa Kijiji cha Soitisambu.
Kamanda Sabas alitaja silaha hiyo ni Rifle 370 na tukio hilo lilitokea Januari 10, mwaka huu saa 11 jioni katika Kitongoji cha Silalei, Kijiji cha Soitisambu, Loliondo.
 Chanzo:Mwananchi
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

SERIKALI YA KENYA YAKUBALI KUYARUHUSU MAGARI YA ABIRIA NA WATALII KUTOKA TANZANIA.





WAZIRI wa Maliasili na Utalii, Lazaro Nyalandu, amesema serikali ya Kenya imekubali kuyaruhusu magari ya abiria na watalii kutoka Tanzania, kuingia ndani ya Uwanja wa Ndege wa Jomo Kenyatta jijini Nairobi.

Awali, Serikali ya Kenya iliyazuia magari hayo kuingia uwanjani hapo huku ukiyatoza ushuru kwa yale yanayoingia, jambo ambalo lililalamikiwa na wafanyabiashara wa Tanzania.

Marufuku hiyo ya Kenya kwa magari ya Tanzania, ilidumu kwa zaidi ya wiki mbili, ambapo katika kusaka suluhu hiyo Nyalandu alikutana na wafanyabiashara hao jijini Arusha kisha kukutana na kufanya mazungumzo na Waziri wa Biashara na Utalii wa Kenya, Phyllis Kandie.

Katika mazungumzo yake na Kandie, Nyalandu alisema kwa sasa magari ya Tanzania yataendelea kuingia uwanjani hapo wakati ufumbuzi wa kudumu ukitafutwa.
 

Alisema kutakuwa na vikao vya kazi baaina ya Wizara ya Utalii ya Kenya na wizara yake, ambapo vitaanzia ngazi ya watandaji, watalaamu, makatibu wakuu na mawaziri.Alisema katika mikutano hiyo masuala mbalimbali kuhusiana na biashara ya utalii yatazungumzwa baina ya nchi hizo mbili.

Hata hivyo, alisema katika vikao hivyo suala la mpaka wa Bolongoja halitajaliwa wala kuwepo kwenye ajenda.
 

“Kwa sasa wafanyabiashara wetu wataingia Jomo Kenyatta kama ilivyokuwa awali. Tumezungumza na kupanga kuwa na vikao kujadili na kuzipatia ufumbuzi changamoto zote kuhusiana na sekta ya utalii.“Niwahakikishie tu katika vikao hivyo maslahi ya pande zote yatazingatiwa, lakini suala la mpaka wa Bolongoja halitajadiliwa wala kuwemo kwenye ajenda za vikao vyetu.“Wataalamu na watendaji wa wizara yangu watakutana na wenzao jijini Arusha na maofisa wa Jumuia ya Afrika Mashariki watashiriki ili kutafuta ufumbuzi wa kudumu,” alisema Nyalandu.


Kupatiwa ufumbuzi kwa tatizo hilo kumekuwa faraja kubwa kwa wafanyabiashara na wadau wa utalii katika mikoa ya Arusha na Kilimanjaro, ambapo walipongeza jitihada za haraka zilizofanywa na Nyalandu.Wakizungumza kwa nyakati tofauti jana, wadau hao wa utalii walisema Nyalandu ameonyesha utendaji kazi kwa vitendo na kwamba, hilo linapaswa kuwa mfano kwa viongozi wengine.


Walisema waziri huyo baada ya kupata taarifa za wafanyabiashara wa Tanzania kuzuiwa kuingiza magari Jomo Kenyatta, aliwafuata kwenye maeneo yao na kuwasikiliza kero zinazowakabili kisha kufunga safari kukutana na waziri Kandie jijini Nairobi.
 

“Hawa ndio aina ya viongozi ambao Tanzania ya sasa na inayokuja inawahitaji, wanaposikia wananchi wana kero na wananyimwa haki ama kunyanyaswa wanakwenda kuwasikiliza na kutafuta ufumbuzi wa haraka. “Kwa hili Waziri Nyalandu anastahili pongezi na viongozi wengine waige mfano huu, wangekuwa wengine wangeanza kuleta siasa na tatizo kuchukua muda mrefu kupata ufumbuzi,” alisema John Mlay, ambaye ni mmoja wa wafanyakazi kwenye kampuni za usafirishaji watalii.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

WANAWAKE NA VIJANA ARUSHA WAKABILIWA NA TISHIO LA KANSA YA NGOZI


Mkoa wa arusha unaendelea kukabiliwa na ongezekao la uingizaji  na utumiaji wa vipodozi vyenye kemikali za sumu na vilivyopita  muda wa matumizi tatizo linaloendelea kutishia afya za wanawake  na vijana  kupata  magonjwa  ya  kansa  ikiwemo ya ngozi.
Akizungumza baada ya mamala ya chakula na dawa kukamata tani mbili za vipodozi vyenye viambata vya sumu na vilivyopita muda  wa matumizi katika maduka mbalimbali ya jiji la arusha afisa  afya  wa jiji hilo Bi. Anjela Mhitu amesema kama hali hiyo haitadhibitiwa na vijana na  wanawake  hawatawezeshwa  kuepuka janga hilo wengi wataangamia. Meneja wa mamlaka ya chakula na dawa kanda ya kaskazini Bw.Damas  Matiko amesema shehena ya vipodozi walivyokamata ina thamani ya milioni saba na pamoja na jitihada wanazofanya tatizo bado ni  kubwa na amewaomba wadau wa sekta za afya kusaidia tatizo hilo  kwa kudhibiti na kutoa elimu ya madhara yanayoikabili  jamii kama ikiendelea kutumia bidhaa  hizo. Mmoja wa watuhumiwa waliokutwa na bidhaa hizo amesema bidhaa  zilizokamatwa zilikuwa zimechanganywa ndani ya kontena la bidhaa halali na amekamatwa wakati anazichambua ili akaziharibu   maelezo ambayo hata hivyo yamepingwa vikali na maafisa wa TFDA.
Chanzo:ITV Tanzania
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

DK. SLAA AELEZA ALIVYOMNASA ANAYEDAIWA KUJIITA JAJI SAMATTA

Katibu Mkuu wa Chama cha Demokrasia na Maendeleo (Chadema), Dk. Willbrod Slaa.
 
Katibu Mkuu wa Chama cha Demokrasia na Maendeleo (Chadema), Dk. Willbrod Slaa, ameieleza Mahakama ya Hakimu Mkazi Wilaya ya Hai kwamba, kabla ya kuchukua hatua ya kuzungumza na Mkurugenzi Mkuu wa Taasisi ya Kuzuia na Kupambana na Rushwa nchini (Takukuru), Dk. Edward Hosea, akimuomba ofisi yake ifanye uchunguzi wa kina kumbaini mtu anayejiita Jaji Barnabas Samatta, alimpa mkewe achunguze jina la mtu huyo.
Alidai kwamba aliamini mkewe, Josephine Mushumbuzi, angeweza kumtambua kwa haraka mtumiaji wa simu namba (0754 013237) anayejiita Jaji Samatta kwa kuwa mkewe ni mtaalam mbobezi wa Teknolojia ya Mawasiliano ya Kompyuta na aliweza kumjua mtu huyo baada ya kumtumia mhamala wa Sh. 500 kwa njia ya M-Pesa.

Jaji Samatta feki, anadaiwa alitumia jina hilo kutafuta nauli ya kwenda Dar es Salaam kuzungumza na Dk. Slaa ili aisaidie Chadema ishinde kesi ya Mbunge wa Arusha Mjini, Godbless Lema, ya kuvuliwa ubunge wake kupitia rufaa namba 47 ya mwaka 2012 iliyofunguliwa na Lema dhidi ya Mussa Hamis Nkanga na wenzake. Lema alikuwa akipinga hukumu ya Mahakama Kuu ya Arusha kumvua ubunge.

“Mke wangu alinipa mrejesho baada ya kutuma Shilingi 500 kwa njia ya M-Pesa kwenda namba (0754 013237) na akanitaarifu kwamba namba hiyo imesajiliwa kwa jila la Abeid Abeid na siyo Barnabas Samatta. Nikaamua kumtumia (Abeid anayejiita Jaji Samatta) ujumbe mfupi wa maneno (sms) kwa kutumia simu yangu (0783 967519) Mr. Abeid the game is over, naamini kwamba upo mzima. (yaani bwana Abeid, mchezo umekwisha),” alidai.

Dk. Slaa alidai kwamba muda huo huo, Abeid anayejiita Jaji Samatta, alimjibu kwa kumtumia ujumbe mfupi, “Nimeamini chama chenu (Chadema), ni chama kinachofuata haki bila ya kununua. Natangaza kuwaunga mkono kuanzia leo. Na akajitambulisha mwisho wa ujumbe huo kwamba yeye ni Afisa wa Takukuru, Wilaya ya Ulanga, lakini kwa sasa yupo Arusha.

Mshitakiwa huyo, (Abeid Abeid) anakabiliwa na kesi ya jinai namba 117 ya mwaka 2013 ya jaribio la kumtapeli  Dk. Slaa, akitumia jina la Jaji Mkuu Mstaafu, Barnabas Samatta kujipatia fedha.

Mwendesha Mashitaka wa  Takukuru mkoa wa Kilimanjaro, Susan Kimaro, aliyekuwa akisaidiwa na wakili Furahini Kibanga,, alimtaka Dk. Slaa kuieleza mahakama hiyo kama aliwahi kuzungumza na Jaji Samatta ambaye si aliyeko mahakamani hapo, na Slaa akaieleza mahakama kwamba alizungumza naye baada ya Jaji, Thomas Mihayo, kumpatia namba halali ya Jaji Mkuu mstaafu (Samatta.

“Nilimtafuta siku hiyo hiyo, lakini hakupatikana na asubuhi ya Aprili 12 mwaka 2012, Jaji Samatta halisi na si huyu feki ninayemuona hapa, alinipigia simu akaniambia hajawahi kufanya mawasilino na Godbless Lema wala Profesa Abdallah Safari ambaye wakati huo alikuwa Mjumbe wa Kamati Kuu ya Chadema.  Alishtuka sana nilipomueleza kuna kesi kama hiyo ya yeye kutaka apewe fedha za nauli ili aje Dar es Salaam kusaidia kutoa mbinu ili Lema ashinde kesi yake iliyopo Mahakama ya Rufaa,” alidai Dk. Slaa.

Slaa aliendelea kudai kwamba baada ya kumjibu Samatta feki ujumbe huo, alimtumia ujumbe mwingine unaosema: “Baba nakushukuru sana, lakini kwa sababu namna  namna misingi ya Chadema ilivyo; hatuwezi kufanya kitu hicho, lakini pia Lema amefungua kesi
namba 47 ya mwaka 2012 katika Mahakama ya Rufaa.”

Alidai kuwa baada ya kumueleza Jaji Samatta kuhusu sakata hilo, alimjibu kwamba muelekeo wa hayo mawasiliano kati ya Samatta feki na yeye (Dk. Slaa) yanaakisi kwamba Chadema nayo, inataka kuingia kwenye mkumbo wa rushwa na kumshauri  kufanya kazi ya kuvisaidia vyombo vya dola kuanza kuchunguza mawasiliano hayo.
 
CHANZO: NIPASHE
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

SERA YA ELIMU NA TUME YA AJIRA KWA WALIMU MBIONI KUKAMILIKA

 
Mwenyekiti wa Kamati ya Kudumu ya Bunge ya Huduma za Jamii, Margareth Sitta.
Serikali imesema iko katika hatua za mwisho za kukamilisha sera mpya ya elimu na uundwaji wa Tume ya Ajira kwa Walimu (TSC) inayotarajiwa kuanza Julai, mwaka huu.
Mwenyekiti wa Kamati ya Kudumu ya Bunge ya Huduma za Jamii, Margareth Sitta, alitoa kauli hiyo kwa waandishi wa habari, baada ya kamati yake kumaliza kukutana na Wizara ya Elimu na Mafunzo ya Ufundi, Waziri wa Nchi Ofisi ya Rais Utumishi na Bodi ya Mikopo ya Wanafunzi wa Elimu ya Juu (HESLB).

Alisema kamati yake umepokea taarifa ya Wizara ya Elimu na Mafunzo ya Ufundi, ikiongozwa na Naibu Waziri, Jenista Mhagama, na wataalamu ambao walieleza kuwa wako katika hatua za mwisho za kukamilisha sera ya elimu.

Alisema Waziri Celine Kombani aliieleza kamati hiyo kuwa uundwaji wa Tume ya Ajira kwa walimu umefikia hatua ya mwisho na Julai mwaka huu itazunduliwa.

Sitta alisema chombo hicho ni kilio kikubwa kwa walimu kwa kuwa kumekuwa na vyombo vingi vya kuwahudumia na hivyo kusababisha usumbufu mkubwa.

“Katika kikao cha Bunge la Bajeti cha Mei, mwaka jana, kamati yangu ilishikilia Bajeti ya Wizara ya Elimu na Mafunzo ya Ufundi ikitaka kauli ya serikali kuwa ni lini itaunda chombo cha kuhudumia walimu, serikali imetuhakikishia kuwa kila kitu kimekamilika na sasa litaanza hivi karibuni, hii ni habari njema kwa walimu," alisema.

"Hakuna uwezekano wowote wa kutekeleza Mpango wa matokeo makubwa sasa (BRN), bila kuwahudumia walimu inavyotakiwa, matatizo ya walimu ni mengi na yana kosa chombo kimoja cha kuhudumia," alisema mwenyekiti huyo.

Katika kikao cha Bunge Mei 20, mwaka huu, Sitta alitoa Shilingi na kueleza kuwa kukosekana chombo Maalum cha kuhudumia walimu kumesababisha walimu kudhulumiwa haki zao za msingi na kwa miaka mitatu kamati yake imeomba ila inapigwa danadana.

Sitta alisema pia wamekutana na HESLB ambayo imeomba muda wa kufanyia kazi suala la utoaji mikopo kwa walimu wa Sayansi na Hisabati ngazi ya stashahada kwamba kwa sasa maofisa mbalimbali wanatembelea vyuo kufanya uchunguzi ndipo watoe taarifa kwenye kamati mwishoni mwa mwezi huu.

CHANZO: NIPASHE
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

BAADA YA MIAKA 20, MARIDHIANO YASAKWA LOLIONDO

 
 Kwa mujibu wa Sensa ya Watu na Makazi ya mwaka 2012, Wilaya ya Ngorongoro ilikuwa na jumla ya wakazi 174,278 ikiwa na eneo la kilomita za mraba 14,036. Asilimia 52 ya ardhi yake ni hifadhi ya wanyamapori.

Wilaya hii yenye tarafa tatu za Loliondo, Ngorongoro na Sale, wakazi wake wanatumia asilimia 48 ya ardhi iliyobaki kwa shughuli za ufugaji. Ni sehemu ndogo ya ardhi hasa Sale ambayo wakazi wake wanatumia ardhi kwa shughuli za kilimo.
Kwa sababu ya kuongezeka kwa watu na mifugo, mahitaji ya eneo la malisho na kilimo nayo yanakua siku hadi siku.
Leo tutazungumzia mgogoro mmoja baina ya kata saba na kampuni ya ya Ortello Business Cooperation (OBC,) licha ya eneo hilo kuwa na kampuni zaidi ya tano zenye maslahi tofauti.
Kampuni hii ya OBC ndiyo imekuwa ikiendesha uwindaji wa kitalii katika eneo la pori Tengefu Loliondo. Mwaka huu, mgogoro ulikuwa mkubwa zaidi hasa baada ya Serikali kupitia aliyekuwa Waziri wa Maliasili na Utalii, Balozi Khamis Kagasheki kulipunguza eneo la pori tengefu la Loliondo kutoka kilomita za mraba 4,000 hadi 1,500 .
Katika uamuzi huo, Serikali ilisema eneo la kilomita za mraba 2,500 litabaki kwa wakazi wa Loliondo na Sale na eneo la kilomita za mraba 1,500 litabaki chini ya Serikali kwa ajili ya uhifadhi ili kulinda mazalia na mapito ya wanyamapori.
Eneo hilo la kilomita za mraba 1,500 zinapakana na Hifadhi ya Taifa ya Serengeti upande wa Mashariki na pia linapakana na Mamlaka ya Hifadhi ya Ngorongoro.
Eneo hilo linachangia kwa kiwango kikubwa kuimarisha mfumo wa ikolojia wa Serengeti ambao unaruhusu wanyama kuhama kutoka ndani ya hifadhi na kuingia katika eneo hili kwa malisho na mazalia hasa nyakati za masika.
Tangazo hilo la Serikali, liliibua malalamiko ya wananchi wa Loliondo wakiungwa mkono na mashirika kadhaa yasiyo ya kiserikali ya ndani na nje ya wilaya. Wapingaji wa tangazo hilo, walisema Serikali imekiuka Sheria ya Ardhi ya mwaka 2009 na pia Sheria ya Wanyamapori ya mwaka 2009.
Malalamiko hayo yalisababisha Serikali kuingilia kati baada ya Waziri Mkuu, Mizengo Pinda kwenda Loliondo Aprili mwaka jana na kutengua uamuzi wa awali kuligawa eneo hilo.
Pia, Chama cha Mapinduzi (CCM), mapema mwaka jana, kiliunda tume ya kuchunguza mgogoro huo. Tume hiyyo iliongozwa na Naibu Katibu Mkuu, Mwigulu Nchemba.
Tume hiyo ilipokutana na wananchi na viongozi wa eneo hilo, ilikumbana na tishio kubwa la wanachama wa CCM kukihama chama hicho baada ya kukabidhiwa rundo la kadi za chama.
Maridhiano
Baada ya kuendelea mgogoro kwa huu bila ya mwafaka, Waziri wa Maliasili na Utalii, Lazaro Nyarandu alizindua vikao vya maridhiano.
Akitumia kauli mbiu yake, ‘Ngorongoro bila migogoro inawezekana’, anatangaza kuunga mkono, uamuzi wa kata tatu, za Oloipili, Losoito Maalon na Olorieri Magaidulu kuamua kuanza kushirikiana na wawekezaji wa wilaya hiyo, kwa manufaa ya wananchi.
Nyalandu anasema haiwezekani miaka zaidi ya 20 Loliondo, iendelee kusifika kwa migogoro ambayo imekuwa ikisababishwa na watu wachache kwa masilahi yao.
“Ni lazima sasa mkubali kukaa viongozi wa kata zote saba ambazo zinapakana na mwekezaji OBC na wengine na kujadiliana mambo ya msingi kwa masilahi ya pande zote,” anasema.
Anasema ni muhimu mwekezaji akazingatia taratibu na sheria katika eneo lake kwani Serikali haitamvumilia mwekezaji ambaye hana uhusiano mwema na jamii, lakini pia ni lazima wananchi wajue kwamba wanapaswa kufuata sheria na taratibu katika makazi yao.
Nyalandu, anatoa wito kwa wakazi wa tarafa hiyo, kuendelea kuishi bila hofu, kwani Serikali haina mpango wa kuwaondoa kama ilivyotangazwa na vyombo vya habari vya kimataifa na kutoa ardhi yao kwa mwekezaji yoyote.
“Hakuna mpango wa kuwaondoa leo wala kesho na kutoa ardhi hii kwa mwekezaji kutoka Falme za Kiarabu, tunawataka muishi bila hofu na hakuna ambaye anaondolewa na kuchomewa makazi hapa Loliondo, kikubwa tunataka migogoro imalizike,” anasema .
Madiwani waliotangaza kujitenga na mgogoro
Makamu Mwenyekiti wa Halmashauri ya Ngorongoro, Raphael Long’oi anasema wamechoshwa na migogoro isiyokwisha ambayo inachangiwa na watu wachache kwa masilahi yao.
Long’oi ambaye ni Diwani wa Losoito Maalon, anasema kata yake na zile za Oloipili na Olorieni wamekubaliana kuachana na migogoro na wawekezaji kwa manufaa ya wananchi.
Hata hivyo, anaiomba Serikali iliwalinde kutokana na vitisho kutoka kwa kundi ambalo halitaki maridhiano ambalo sasa linabadilisha maridhiano yao na kutangaza wao kama viongozi wanauza ardhi kwa wawekezaji.
Diwani wa Kata ya Oloipili, William Alais anasema kwake hakuna mgogoro na wawekezaji na taarifa nyingi ni za uchochezi zinazowanufaisha watu wachache.
Alais anasema wamefikia maridhiano na wawekezaji na wameanza kunufaika na miradi ya maendeleo.
“Wanaochechea ni watu wachache, kwa manufaa yao sasa sisi tumekubaliana kusema hatutaki migogoro tunataka maendeleo”anasema
Mwenyekiti wa Halmashauri ya Ngorongoro, Elias Ngolisa anasema wanachohitaji wananchi wa Ngorongoro ni kuishi maisha yao kama zamani bila kuhamishwa.
“Kama wananchi hawa wakiachwa katika ardhi yao, sidhani kama kutakuwa na mgogoro Loliondo, sisi tunataka maendeleo,” anasema.
Ngolisa ambaye ni Diwani wa Malambo, kata ambayo haijafikia maridhiano na mwekezaji OBC, anasema atashiriki kikao cha maridhiano ambacho kinashirikisha pia viongozi wa kata nyingine ambazo bado hazijafikia maridhiano za Arash, Soitsambu na Ololosokwani.
Mtandao wa mashirika watoa msimamo
Kwa miaka kadhaa, Serikali imekuwa ikiyatupia lawama mashirika yasiyo ya kiserikali Ngorongoro na kuyataja yamekuwa chanzo cha vurugu kutokana na kutoa taarifa za uchochezi, ikiwamo upotoshwaji juu ya taarifa kuwa wananchi 40,000 wa Loliondo wanatakiwa kuondolewa kumpisha mwekezaji.
Mratibu wa mashirika yasiyo ya kiserikali Wilaya ya Ngorongoro (Ngonet), Samweli Nang’irwa anakanusha madai hayo.
Anasema mashirika yao yakiwa wadau wa maendeleo, hayapingani na mwekezaji yoyote, bali wanataka wawekezaji wafanye majukumu yao na wananchi waendelee na maisha yao.
Nang’irwa ambaye hivi karibuni, alikamatwa na kuhojiwa kwa saa zaidi ya tatu kuhusiana na mgogoro huo, anasema mashirika yao, yanajihusisha na masuala ya maendeleo ya jamii na utetezi, hivyo kama wananchi wakifikia maridhiano na wawekezaji wao hawana matatizo.
OBC wataka maridhiano

Kampuni ya OBC inaungana na Serikali na madiwani wa kata tatu kutaka maridhiano ili kila upande uendelee na shughuli zake kwa manufaa ya pande zote .
Mkurugenzi Mtendaji wa OBC, Isack Mollel anasema tangu kampuni hiyo iliposaini mkataba huo, imekuwa ikiwinda kitalii chini ya usimamizi wa Serikali kama zilivyo kampuni nyingine.
Mollel anasema, eneo la pori tengefu lina historia ndefu kwani awali, lilikuwa chini ya shirika la umma la uwindaji wa kitalii la Tawico ambalo sasa tayari limebinafsishwa.
“OBC tangu tumefika Loliondo licha ya uwindaji, tumefanya mengi. Hakuna kampuni ya uwindaji nchini ambayo imefanya vitu vingi kama sisi. Tumejenga sekondari, tumetoa misaada mingi katika sekta ya afya, maji na elimu na uhifadhi,’’ anaeleza.
 Chanzo:Mwananchi
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

UFAHAMU MLIPUKO WA EXPLOGEL V6 ULIOKAMATWA MAPEMA LEO UKISAFIRISHWA TOKA ARUSHA KWENDA DAR SOMA HAPA

 Hii ni Explogel V6 iliyokamatwa mapema leo ndani ya Basi la Kilimanjaro Express likitoka Arusha kwenda Dar
Explogel V6 zikiendelea kuchekiwa

UCHAFU WA KIWANDA CHA NGOZI WAMCHEFUA WAZIRI

Naibu Waziri wa Viwanda na Biashara, Janeth Mbene.
 
Naibu Waziri wa Viwanda na Biashara, Janeth Mbene, amegeuka mbogo baada ya kukuta mazingira machafu katika kiwanda cha ngozi cha Sac International cha mkoani Arusha.
Kutokana na hali hiyo, Mbene ilimchukua dakika kadhaa kushuka ndani ya gari kutokana na harufu na hali ya uchafu unaotokana na mabaki ya ngozi kusambaa ovyo na ngozi kutohifadhiwa vizuri na hivyo kugeuka kuwa uchafu.

Akizungumza na watumishi wachache wa kiwanda hicho raia wa Pakistan, alisema pamoja na mazingira ya ngozi kuwa ni yenye uchafu na harufu, lakini wanapaswa kuhakikisha mazingira yanakuwa safi na kupunguza harufu na uchafu.

"Uzalishaji wa ngozi unakuta harufu na uchafu kwa mazingira, lakini ni lazima mwenye kiwanda apunguze athari za uchafuzi wa mazingira, mmesambaza mabaki ya ngozi na ngozi pasipo utaratibu...hii hairidhishi kabisa, mnafanya kazi nzuri lakini hii haikubaliki," alisema Waziri Mbene.

Aidha, alisema mara kwa mara watu wa mazingira wanamfikishia malalamiko kuwa viwanda vinachafua mazingira.

Kwa mfano, kiwanda hiki ni wazi kuwa suala la utunzaji wa taka zinazozalishwa na kiwanda umewekwa kando.

Hata hivyo, alimwagiza Ofisa Biashara wa Mkoa kuhakikisha wanavitembelea viwanda hivyo mara kwa mara kwa kuhakikisha mazingira ni safi na yenye ubora na siyo kugeuka kero na yenye athari kwa Watanzania.

"Nimetembea nchi mbalimbali nimeona viwanda vya ngozi vinavyofanya kazi kukiwa na mazingira ya usafi kuanzia nje hadi ndani, huwezi kukuta hali kama hii...ngozi zimesambazwa ovyo huku mabaki ya ngozi ya kimwagwa nje na maji yakitiririka ovyo na ndani kukiwa hakujasakafiwa," alisema.

Hata hivyo, aliahidi kwamba atatembelea tena kiwanda hicho wakati mwingine ili serikali ichukue hatua mbalimbali kwani hali iliyopo siyo ya kuridhisha kwa afya za wafanyakazi na watu wengine.
 
CHANZO: NIPASHE
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

LEMA NAYE ‘APANDA KIZIMBANI’ HAI

  Mbunge wa Arusha Mjini, Gobless Lema (wa pili kushoto) akitoka katika Mahakama ya Hakimu Mkazi wa Wilaya ya Hai juzi baada ya kutoa ushahidi katika kesi ya utapeli inayomkabili Adam Abeid.
 Mbunge wa Arusha Mjini, Godbless Lema amedai mshtakiwa aliyejifanya Jaji mstaafu, Barnabas Samatta, alimtisha kuwa angehakikisha anashindwa katika rufaa yake ya kupinga kuvuliwa ubunge.
Lema alidai kuwa baada ya kutotoa ushirikiano, mtu huyo alimtisha kuwa atahakikisha jimbo hilo linarudi CCM.
Lema alitoa maelezo hayo jana mbele ya Hakimu Mkazi Mfawidhi wa Wilaya ya Hai, Denis Mpelembwa katika kesi ya kutaka kuwatapeli viongozi wa Chadema.
Mbunge huyo alitoa ushahidi siku moja baada ya Jaji huyo mstaafu kutoa ushahidi wake katika kesi hiyo. Mbali ya Samatta shahidi mwingine, Profesa Abdallah Safari alitoa ushahidi.
Kesi hiyo inamkabili Adam Abeid, ambaye wakati kosa hilo linadaiwa kutendeka kwa kutumia simu, alikuwa ni mtahiniwa binafsi (private candidate) wa mtihani wa Taifa wa kidato cha sita.
Lema, mjumbe wa Kamati Kuu ya Chadema, alitoa ushahidi wake juzi kwa kuongozwa na Mwendesha Mashtaka wa Taasisi ya Kuzuia na Kupambana na Rushwa Tanzania (Takukuru), Susan Kimaro.
Alisema mara tu baada ya kuvuliwa ubunge na Mahakama Kuu Kanda ya Arusha 2012, alipokea taarifa kutoka kwa John Heche kuwa alikuwa akitafutwa na Wakili wa Chadema, Profesa Abdallah Safari.
“Nilimtafuta Profesa Safari akaniambia natafutwa na Jaji Samatta, akanipa namba yake nikampigia, lakini hakupokea akanitumia ujumbe yuko kwenye kikao nitume meseji,” alidai Lema.
Lema alidai baadaye mtu huyo aliyejitambulisha kama ‘Jaji Samatta’ alimtumia meseji akimpa pole kwa kuvuliwa ubunge na kuahidi angemsaidia na kila alipojaribu kumpigia alikuwa akitaka wawasiliane kwa meseji.
Aprili 12, 2012, Lema alidai kutumiwa meseji na Katibu Mkuu wa Chadema, Dk Willbrod Slaa iliyokuwa imetumwa kwake na mtu huyo aliyekuwa akijifanya Jaji Samatta ikisomeka:
“Mheshimiwa Slaa kesho nakwenda Dar kuonana na Chande ili tufanye mazungumzo ana kwa ana tujue nini kitaendelea, hivyo naomba unigharimie mafuta ya kwenda Dar.”
Lema alidai ujumbe huo ulimtia shaka kwamba wanayewasiliana naye siyo Jaji Samatta, bali ni tapeli na kumtumia meseji: “Wewe ni tapeli na tutakukamata.”
Chanzo:Mwananchi
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

JAJI SAMATA, PROF. SAFARI WATOA USHAHIDI KESI YA DK. SLAA

Katibu Mkuu wa Chama cha Demokrasia na Maendeleo (Chadema), Dk. Willbrod Slaa.
Shahidi wa kwanza wa kesi ya jaribio la kumtapeli Katibu Mkuu wa Chama cha Demokrasia na Maendeleo (Chadema), Dk. Willbrod Slaa, Jaji Mkuu Mstaafu Barnabas Samatta, ameieleza Mahakama ya Hakimu Mkazi Wilaya ya Hai, kwamba hakuwahi kumpigia simu kiongozi huyo akimtaka  ampe
fedha ili akisaidie chama chake kushinda kesi ya rufaa katika Mahakama Kuu ya Arusha.

Kesi hiyo  iliyofunguliwa kupinga hukumu ya kumvua ubunge Mbunge wa Arusha Mjini, Godbless Lema.

Rufaa hiyo namba 47 ya mwaka 2012 ilifunguliwa na Lema dhidi ya Mussa Hamis na wenzake, akipinga hukumu ya Mahakama Kuu ya Arusha ya  kuvuliwa ubunge ambapo hata hivyo, ilikwishatolewa uamuzi na Lema kurejeshewa ubunge wake.

Samatta akiwa mbele ya Hakimu Mkazi Mfawidhi wa mahakama hiyo, Denis Mpelembwa aliiambia mahakama kwamba hakuwahi kumpigia simu Dk. Slaa kwa sababu tangu astaafu nafasi yake ya Jaji Mkuu mwaka 2007, hajawahi kufika mkoani Kilimanjaro kama inavyodaiwa kuwa alimpigia simu akiwa katika baa ya Florida, mjini Moshi.

Jaji Samatta aliiambia mahakama kuwa Aprili 6, 2012, Dk. Slaa alimtumia ujumbe, akitaka kujua kama ujumbe aliomtumia kupitia simu ya mkononi (0754013237) iliyosajiliwa kama Abeid  Adam Abeid ni wa kwake na yeye akamjibu kwamba siyo ya kwake wala hamfahamu mtu aliyetuma ujumbe huo.

“Ni kweli mimi kama raia wa kawaida niliifahamu kesi ile kupitia vyombo vya habari kwamba Godbless Lema (Mbunge wa Arusha Mjini) kupitia Chadema alikuwa amekata rufaa kupinga hukumu ya kuvuliwa ubunge wake, lakini baadaye nilimtaka suala hilo lisiishie kisiasa bali liamuliwe kisheria,” Jaji Samatta aliieleza mahakama.

Kesi hiyo namba 47 ya mwaka 2012 iliyofunguliwa na Taasisi ya Kuzuia na Kupambana na Rushwa (Takukuru) katika Mahakama ya Hakimu Mkazi Wilaya ya Hai, ikimkabili mshitakiwa Abeid Abeid, inao mashahidi 12, akiwamo Jaji Samatta, Profesa Abdallah Safari, Dk. Slaa na Lema.

Hata hivyo, shahidi wa pili katika shauri hilo, Profesa Safari ambaye ni Makamu Mwenyekiti wa Chadema Taifa, akiwa alidai kuwa  alipigiwa simu na mtu aliyejiita kuwa ni Jaji Samata, akimuomba ampatie namba za Lema, lakini kabla ya kufanya hivyo, aliwasiliana kwanza na Lema ambaye hata hivyo alimjibu kwamba mtu huyo hapatikani kwenye simu yake.

”Nikiwa njiani kuelekea Bunju-Tegeta, nilipigiwa simu na mtu nisiyemfahamu, namba zake nazikumbuka ni 0754013237, aliponipigia aliniambia anataka namba za Lema, nilimpa baadaye, lakini kwa kuwa sauti yake pia  niliitilia shaka, nililazimika kuwasiliana na mtendaji mkuu wa chama ambaye ni Katibu Mkuu wa Chadema Taifa (Dk. Slaa) ili afuatilie", alidai Profesa Safari.

Aliongeza kuwa  muda mfupi baada ya kufika shambani kwake huko Bunju, nje kidogo ya jiji la Dar es Salaam, Lema alimpigia na kumwambia kwamba
mhusika wa namba hiyo (0754013237) hapatikani tena.
 

CHANZO: NIPASHE
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

VIDEO: MPYA, UJUMBE WA JK- JUHUDI ZA KUKABILIANA NA UHABA WA VITABU TANZANIA



Kwa mara ya kwanza na Siku zijazo tunawaletea Kipengele kipya kabisa Kinachoitwa UJUMBE WA JK ambapo Mheshimiwa Rais Dkt. Jakaya Mrisho Kikwete atakuwa na Ujumbe katika mambo mbalimbali usikose, Leo Mh. Rais anazungumzia Juhudi za Kukabiliana na Uhaba wa Vitabu Tanzania, Ungana nasi kutazama Video hii.





WANAKIJIJI WAWAUA SIMBA WA HIFADHI TA TAIFA YA TARANGIRE, WAZIRI WA MALIASILI NA UTALII ACHACHAMAA.

 
Hifadhi ya Taifa ya Tarangire inakadiriwa kuwa na Simba kati ya 200 hadi 250 na Tembo wanaokadiriwa kufikia 3,000 na wanyama wengineo zaidi ya 10,000.


Arusha.
Simba wanane waliotoka nje ya Hifadhi ya Taifa ya Tarangire na kuingia eneo la Kijiji cha Kibaoni wilayani Babati mkoani Manyara, wameuawa kwa kuchomwa mikuki na wananchi.


Kijiji cha Kibaoni kipo hatua chache kutoka Hifadhi ya Tarangire ambayo ni mojawapo ya vivutio vya kitalii na mara nyingi wanyamapori huzagaa kijijini hapo, hasa nyakati za masika kuepuka majani marefu hifadhini.


Tukio hilo linaloelezewa kuwa ni janga kubwa kwa sekta ya uhifadhi na utalii nchini, lilitokea jana alfajiri na hadi Saa 6.00 mchana na mizoga saba ya Simba ilipatikana, huku mmoja akiaminika kufia kwenye vichaka baada ya kukimbia alipojeruhiwa.


Waziri wa Maliasili na Utalii, Lazaro Nyalandu ameziagiza mamlaka zinazohusika kuwasaka na kuwatia mbaroni wote waliowahamasisha na kuwaongoza wakazi wa kijiji hicho kuwaua Simba hao.


Akizungumza na waandishi wa habari jijini Arusha jana, Nyalandu alitoa maagizo kwa polisi kuchunguza uhalali wa bunduki inayomilikiwa na mmoja wa wakazi wa kijiji hicho iliyotumika kuwaua Simba wawili kati ya saba.


“Kuua idadi kubwa ya Simba kwa wakati mmoja, tena katika siku ya kwanza ya Mwaka Mpya ni jambo la kusikitisha na linastahili kulaaniwa na wote wenye mapenzi mema na uhifadhi ndani na nje ya nchi,” alisema Nyalandu na kuongeza:


“Hatuwakamati wakazi wote 100 walioshiriki kuwaua simba hawa, bali tutashughulika na wale waliochochea mauaji ili kutoa fundisho kwa wale wanaochukua sheria mkononi kwa kuwaua wanyamapori,” alisema Nyalandu.


Hifadhi ya Taifa ya Tarangire inakadiriwa kuwa na Simba kati ya 200 hadi 250 na Tembo wanaokadiriwa kufikia 3,000 na wanyama wengineo zaidi ya 10,000.


Mmoja wa wanakijiji aliyezungumza kwa sharti la kutotajwa jina gazetini kwa sababu za kiusalama, alisema Simba hao waliuawa baada ya kudaiwa kumla punda kihongwe kwenye moja wa maboma ya wakazi wa kijiji hicho ambao ni jamii ya wafugaji wa Kimasai.


“Usiku kundi la Simba zaidi ya 12 walionekana wakizunguka katika maeneo ya karibu na kambi ya Watalii ya Zion Campsite. Ilipofika alfajiri, watu wakaanza kupiga mayowe kuashiria hatari baada ya Simba hao kusambaa kijijini,” alisema na kuongeza;


“Kelele hizo ziliwashtua Simba na kuwafanya waanze kuunguruma, hali iliyozua taharuki na vijana (Morani), wakaanza kupambana nao na kuwaua mmoja baada ya mwingine hadi kufikia Simba saba na mmoja alikimbia akiwa na mkuki mwilini.”


Alisema vijana wawili walijeruhiwa vibaya baada ya Simba mmoja kuwashambulia.


Meneja Uhusiano wa Shirika la Hifadhi za Taifa (Tanapa), Paschal Shelutete alisema mara nyingi mauaji ya wanyamapori wakali wakiwamo simba, chui, chita huambatana na kisasi cha wafugaji baada ya mifugo yao kujeruhiwa au kuliwa.


“Katika tukio hili, Simba hawakuvamia mifugo wala maboma ya wafugaji.


“Hawa walionekana tu kijijini. hawakuwa na madhara, wamewaua kwa makusudi,” alisema Shelutete.


Alisema hata kama kungekuwepo uvamizi, askari wa TANAPA wangefika eneo hilo ndani dakika zisizozidi tano iwapo wangetaarifiwa kwa sababu eneo hilo liko hatua chache kutoka makao makuu ya hifadhi ya Tarangire.


Mkuu wa mkoa wa Manyara, Joe Bendera, aliyeripoti kituo chake hicho kipya cha kazi wiki iliyopita alitembelea eneo la tukio jana asubuhi na kushuhudia mizoga ya Simba hao ambayo baadaye yalihamishiwa makao makuu ya hifadhi ya Tarangire.


Kamanda wa polisi mkoa wa Arusha, Lebaratus Sabas licha ya kukiri kupata taarifa za tukio hilo, alisema linapaswa kuzungumziwa ni Kaimu Kamanda wa polisi mkoa wa Manyara, Mrakibu Mwandamizi Christopher Fuime. Eneo la tukio liko mpakani mwa mikoa ya Arusha na Manyara.


Akizungumza kwa njia ya simu jana mchana, Kamanda Fuime alithibitisha kutokea kwa tukio hilo na kuahidi kulizungumzia tukio hilo baada ya kukamilisha ukusanyaji wa taarifa zote muhimu kutoka eneo hilo
Chanzo: Mwananchi
Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

NAKUSHAURI RAIS KIKWETE, MUACHE MUHONGO AMALIZE KIBARUA CHAKE





Said Mwishehe

PANAPO MAJAALIWA ya Mungu, kesho tunaungana na mataifa mengine duniani kusheherekea mwaka mpya wa 2015.

Hivyo, kwa hesabu za kalenda ya mwaka 2014, leo hii tunamaliza muda uliobaki kabla ya kuingia mwaka 2015.

Tuna kila sababu ya kumshukuru Mungu kwa kuendelea kutupa pumzi yake. Ametujaalia afya njema. Hili ni jambo la kushukuru.

Pia nitumie nafasi hii kutoa pole kwa ndugu, rafiki na jamii zetu ambao leo hii hatunao tena. Wametangulia mbele za haki.

Hiyo inatokana na mapenzi yake muumba wa mbingu na ardhi. Tuwaombee dua njema huko waliko.Mbele zao, nyuma zetu.

Wakati tunakaribia kuingia mwaka 2015, nitumie nafasi hii kuowambea wale wote wenye kusumbuliwa na magonjwa mbalimbali.

Imani yangu Mungu atawaponya na kuwarejesha kwenye afya njema na hatimaye kuendele na ujenzi wa taifa.

Wakati tunajiandaa kuupokea mwaka mpya, kuna mambo mengi ambayo yametokea kwenye mwaka huu wa 2014.

Yapo ambayo yametunufaisha kama taifa lakini wakati huo huo yapo ambayo yametufedhehesha.

Mwaka 2014 ulikuwa mwaka wa matukio mengi katika nyanja mbalimbali. Nikiri kuna mambo ya kujivunia na kuna mambo ya hovyo ambayo yametokea kwenye taifa hili ambalo linaendelea na juhudi za kusaka maendeleo yake.

Sote ni mashahidi Watanzania kwa nafasi zao mbalimbali wameendelea na ujenzi wa taifa leo. Wameendelea kudumisha umoja na mshikamano wao.

Wameendelea kuungana kupigania maisha yao. Ni watu ambao hawataki kukataa tamaa. Wanafanya kila juhudi kuhakikisha taifa linasonga mbele.

Nikiri kauli ambayo inaliumiza taifa hili ni kuendelea kuimba wimbo wa "Sisi maskini". Wimbo ambao kwangu mimi unaniumiza kichwa. Sitaki hata kuusikia. Sitaki kuusikia kwasababu ni sehemu ya adui wetu wa maendeleo yetu.

Sisi maskini ni kauli ambayo imetukwamisha kwa miaka mingi sasa. Hata mwaka huu wa 2014, kauli ya sisi maskini imeturudisha nyuma.

Kujiita kila siku maskini ndio matokeo yake tunashinda kuishi maisha ya kuendelea kuomba misaada. Kisa tu nchi yetu eti maskini.

Kwangu naamini sisi si maskini ila huenda tunakosa mipango na usimamizi mzuri wa kufikia malengo yetu.hili ndilo tatizo ambalo linatusumbua kwa miaka mingi.

Mwaka 2015 ni mwaka wa kubadili mitazamo na fikra zetu. Tukitumia vema rasilimali zetu, tutapiga hatua. Kila kitu tunacho.tunachotakiwa ni mipango na usimamizi mzuri. Tuache akili za kuwa tegemezi kwa kila jambo.

Inashangaza tunapokuwa na msitu mkubwa wa misitu kama ule wa Sao hili Iringa halafu kijiti cha kusafishia meno kinatoka China. Ama kweli!

Inasikitisha kuona imefika mahali eti kila kitu lazima kitoke nje. Kasumba hii inatokana na yale yale ambayo wengi yametutawala kwenye akili zetu kuwa lazima tuwe tegemezi.

Hatupaswi kuwa na akili hiyo kwa mwaka 2015. Ni mwaka wa kutafakari kama taifa nini tufanye ili tusonge mbele.

Kwa bahati mbaya tumekuwa na kundi kubwa ambalo linatumia muda mwingi kupiga soga vijiweni kwa ajenda ambazo hazina mashiko ya kimaendeleo. Ni rahisi kusikia watu wanajadili nani kavaa nini. Fulani analula nini?

Wanaojadili tunapigaje hatua kama taifa ni wa chache. Hata hao tunaowategemea kutupigania wamekuwa wa kuishi kwa matukio. Likija tukio hili wamo, likija lingine wamo.Mafundi wa kuongoa kuliko kutenda.

Inasikitisha sana.Tumeyaona hayo mwaka 2014.Si vizuri yakajirudia tena mwaka 2015. Kufanya kosa si kosa ila kurudia kosa, ndio kosa. Tusimamie kama nchi tuangalie maisha yetu. Tumetoka wapi na tunakwenda wapi.

Tukisoma vitabu vya historia tunaambia Tanzania na China zilianza harakati za kusaka maendeleo mwaka mmoja. Nenda leo China kaingalie.

Hatufanani nayo kwa namna yoyote ile.Watu tulianza nao kwenye harakati za kutafuta maendeleo, eti leo tunawapigia magoti kuwaomba msaada.

Wachina wameijenga nchi yao.Wameamua kusimama kidete kuhakikisha taifa lao linapiga hatua na kuwa lenye nguvu duniani.  Sishangai Marekani inapokwenda kuomba misaada ya kifedha China.

Kwetu sisi maendeleo yetu yamekuwa ya mwendo wa kinyonga. Wananchi wamekata tamaa ya maisha. Kila kukicha wanasema afadhali ya jana. Ndio maisha ambayo tumeamua kuishi.

Imefika mahali Wachina wameamua kuja nchini kwetu na kufanya kazi ambazo tumeshindwa kuzifanya. Nenda Kariakoo jijini Dar es Salaam, Wachina wanauza maua.Wanauza karanga.

Inasikitisha inapofika mahali hata karanga tunashindwa kuuza. Tunasibiri Wachina waje wauze. Halafu tumebaki kupiga kelele tu.Tumefika mahali pabaya.

Sifa ya taifa kupiga hatua za maendeleo linahitaji kuwa na siasa safi, utawala bora, ardhi na watu.

Nikiri tunaweza kuwa tumekosa siasa safi na uongozi bora lakini tuna ardhi ya kutosha na watu. Kwa bahati mbaya watu wapo lakini kasi ya maendeleo haiendani na idadi yetu.

Kitendo cha kukosa siasa safi imefika mahali, wanasiasa wengi wametugeuza kama vile kichwa na mwendawazimu. Wanatuongopea watakavyo.

Wanajua hatuna tunaloweza kulifanya. Hakika mwaka 2014, licha ya kufanya mambo ya maendeleo, yapo ambayo tunapaswa kujiepusha nayo mwaka 2015.

Msomaji wa safu hii, baada ya kutoa maelezo hayo ambayo kwangu mimi kwa siku ya leo ni kama utangulizi sasa nije kwenye ajenda yangu ya Jumatano ya leo.

Ajenda yenyewe ni hili sakata la Escrow.Sakata ambalo limekuwa gumzo kwenye kila kona ya nchi yetu. Limekuwa likizungumza na kila mtu. Kama hulizungumzi wewe basi analizungumza mwenzio.

Sakata la Escrow limetikisa nchi yetu kwa sehemu kubwa. Sote tunafahamu mjadala huo wa Escrow unatokana na utata wa fedha wa sh. bilioni 306 zilizopo kwenye akaunti ya Tegeta Escrow, wajanja kuamua kuzichukua.

Wanasiasa wa kada mbalimbali wamekuwa wakilizungumza hilo kwa kina. Wamekuwa wakipambana kwa hoja. Wamekuwa wakijadili na kuelezea umma kuhusu fedha hizo.

Nikiri mwaka 2014, mjadala wa Escrow kwangu mimi naona ulikuwa ni mjadala uliochokuwa sehemu kubwa ya mazungumzo kuliko mijadala mingine.

Ni kweli kulikuwa na mjadala kuhusu Katiba mpya lakini ujio wa sakata la Escrow umefunika kabisa mazungumzo ya Katiba inayopendekezwa.

Kwa kuwa hata wanasiasa wetu nao wanaishi kwa matukio. Wengi wao wameachana na ajenda ya Katiba mpya ambayo wananchi wanahitaji kuelimisha licha ya wao wenyewe kujisomea Katiba inayopendekezwa kabla ya kufanya uamuzi kwa kupiga kura ya ndio au hapa.

Leo hii ili mwanasiasa aonekane amezungumza jambo la maana basi anaamini akizungumzia Escrow ndio nyota ya siasa inasafishika.

Sina tatizo na wanasiasa ambao wamelizungumzia sakata hilo hadi hapa lilipofikia. Tunajua Bunge limetoa maazimio nane kwa Serikali.

Maazimio ambayo kwa sehemu kubwa Serikali ya Rais Jakaya Kikwete inatakiwa kuamua kwa kuchukua hatua dhidi ya wanaohusishwa na uchotaji fedha wa Escrow.

Ndio maana aliyekuwa Mwanasheria Mkuu wa Serikali Jaji Frederick Werema ameamua kuachia ngazi.

Uamuzi huo unatokana na ukweli kwamba ushauri wake kisheria hakueleweka. Jaji Werema anasema amechafua hali ya hewa.

Pia tunafahamu Katibu Mkuu wa Wizara ya Nishati na Madini Eliakim Maswi naye amsimamishwa kazi ili kupisha uchunguzi. Kisa sakata hilo hilo la Escrow.

Nani ambaye hafamu kama aliyekuwa Waziri wa Ardhi,Nyumba na Maendeleo ya Makazi Profesa Anna Tibaijuka naye ametemwa kwenye baraza la mawaziri.

Kilichomuondoa ni kupokea fedha za Escrow.Prof. Tibajuka aliwekewa kwenya akaunti yake binafsi sh. bilioni 1.6.

Wakati mjadala huo unaendelea, hakuna mwanasiasa ambaye ameweza kupata ujasiri wa kuliambia taifa fedha hizo ni za umma au si za umma. Nani mwenye fedha hizo?.

Ujasiri ambao wanasiasa wetu walio wengi wanao hadi sasa ni kwamba sh. bilioni 306 za Escrow ni za umma. Wamesema hivyo wakiwa bungeni na wanaendelea kusema hivyo nje ya Bunge.

Kwangu mimi na hata kwa Watanzania wengine, nimefurahishwa na hotuba ya Rais Kikwete.Hotuba ambayo aliitoa Desemba 22 mwaka huu. Alikuwa anazungumza na wazee wa mkoa wa Dar es Salaam.

Kama kiongozi wa nchi ameonesha kulifahamu vema suala hilo. Akatumia nafasi hiyo kuelezea historia nzima ya sakata la Escrow.

Akaeleza namna ambavyo Shirika la Umeme Tanzania (Tanesco) na IPTL walivyokuwa wanalipa.

Pia, akaeleza namna ambavyo akaunti ya Tegeta Escrow iliovyofunguliwa hadi hatua ya IPTL na wanahisa wenzake kuuziana hisa na kisha kufunga akaunti ya Tegeta Escrow na kuchukua fedha zilizomo.

Rais Kikwete baada ya kutoa maelezo mengi ya kueleweka pengine kuliko yale yaliyokuwa yanatolewa na wanasiasa walio wengi akatumia nafasi hiyo kuwahakikishia Watanzania kuwa fedha hizo ni za IPTL.

Rais Kikwete katika hotuba yake alisema"Fedha hizo ni za IPTL maana ni malipo ambayo yalikuwa yanalipwa kutoka Tanesco ambazo ni tozo la uwekezaji, lakini toafuti yake fedha zilikuwa zinawekwa kwenye akaunti maalumu".

Kimsingi hotuba ya rais imejibu swali la msingi ambalo Watanzania wengi walikosa kulisikia.Pamoja na kusema fedha hizo ni za IPTL bado akauthibitisha umma kuna kodi ya Serikali ndani yake.

Hivyo tunapoumaliza mwaka 2014, naamini rais amesema kile ambacho wengi tulipaswa kukisikia.Akasisitiza uchunguzi ufanyike na kisha sheria ichukue mkondo wake.

Akaagiza mamlaka zinazohusika na uchunguzi zitakapokamlisha taarifa , yeye atakuwa na uamuzi wa kufanya.

Baada ya kulifafanua kwa kina suala hilo, rais akatumia nafasi hiyo kuweka wazi Waziri wa Nishati na Madini Profesa Sospeter Muhongo amemuweka kiporo.

Bwana we! kauli hiyo ya Prof.Muhongo kuwekwa kiporo imeamsha hasira za wanasiasa hasa za wapinzani.

Wametoa matamko ya kumtaka Rais Kikwete kumuwajibisha Prof.Muhongo kwa kumuondoa kwenye nafasi hiyo.

Wengine wametangaza kufanya maandamano nchi nzima.Najiuliza sababu za  msingi za kufanya maandamano hayo.

Najiuliza hivi wanaotaka Prof.Muhongo aondolewe kwenye nafasi hiyo ni kweli wanashinikiza kwa maslahi ya Taifa au kwa maslahi binafsi.

Hapa kuna siri kubwa, ambayo wenye kumshinikiza rais amuondoe Prof.Muhongo kwenye nafasi ya uwaziri wanaijua. Nani ambaye hajui kazi ambayo imefanywa na Prof.Muhongo kwenye wizara hiyo.

Amefanya mambo makubwa kwa maslahi ya nchi.Waziri Muhongo kwa usimamizi wake mzuri umeme umekwenda kwenye vijiji mbalimbali vya nchi yetu.

Nimezunguka wilaya za nchi hii 129 hadi sasa.Naiona kazi ambayo Prof.Muhongo ameifanya katika nishati ya umeme.

Nani ambaye hajui umuhimu wa nishati ya umeme kwa wananchi. Misimamo yake katika wizara hiyo imefanikisha ujenzi wa bomba la gesi.Angekuwa Waziri legelege , bomba la gesi kutoka Mtwara kuja(kwenda) Dar es Salaam lisingejengwa.

Alijua anasimamia maslahi ya taifa.Pia najua kwenye eneo la gesi amekasirisha wengi.Wapo ambao hawataki hata kumsikia.Leo si wakati wake kuzungumzia hilo.

Wanasiasa wanataka rais amuondoe Prof.Muhongo, hivi waziri mwingine ambaye atakwenda kwenye wizara hiyo na kukaa kwa miezi nane iliyobaki ya utawala wa rais Kikwete anakwenda kufanya jambo gani kubwa.

Kuna dhambi gani Waziri Muhongo akiachwa amalizie muda ambao Rais Kikwete ameubakisha.

Kwa kuwa tunaingia mwaka 2015, ni bora niseme ukweli maana utaniweka huru.Naamini sioni sababu ya kumuondoa Waziri Muhongo Wizara ya Nishati na Madini.

Tangu amekuwa Waziri wa Nishati na Madini Waziri Muhongo amefanya kazi kubwa na nzuri.Hata hao ambao leo wanamuandama wanajua.

Nikiri najua, haya ninayoeleza kuna watu nawakera lakini ni bora niwe huru kwenye kile ninachoamini.

Kauli ya Mwishehe, kaushauri Rais wangu, Rais Jakaya Kikwete , nakuomba umuache Waziri Muhongo amalizie kazi anayoifanya kwenye wizara hiyo.Binafsi sioni mahali ambapo Waziri Muhongo amechukua fedha za Escrow.

Sioni mahali ambapo Waziri Muhongo ameshauri fedha zitoke. Waziri Muhongo msimamo wake unajulikana wazi kuhusu fedha hizo.

Kwa bahati mbaya wanasiasa wetu wameng'ang'ania tu kumtaka rais amuondoe Muhongo badala ya kutoa suluhu ya nini kifanyike ili hayo ambayo yanatokea na kusababisha taifa kushindwa kuchukua kodi yake yasijirudie.

Wanasiasa wanashindana kuita vyombo vya habari kumshinikiza rais kumuondoa Waziri Muhongo.

Naamini na ndio ukweli wanafanya hivyo si kwasababu ya maslahi ya taifa , bali wanafanya hivyo kwa msuko mwingine. Ipo siku nitausema.Kwenye hili nitasimamia ukweli.

Kwenye siasa za Tanzania kuna mambo huwa yanakera sana. Moja ya mambo yanayokera ni pale mtu anaposimama kujifanya anapigania maslahi ya taifa kumbe, kichwani kwake anawaza tofauti.

Kuna wakati huwa najiuliza kwanini , wanashinikiza Prof. Muhongo aondolewe. Nawaza weee , lakini napata majibu tofauti tofauti. Moja ya jibu ambalo huwa nalipata ni kwamba wanaogombea urais nao wana yao kwenye hilo.

Tena si wa CCM tu, bali hata wa upinzani. Wanaona sakata la Escrow ni karata ya mwisho ya kufanikisha malengo yao.

Wengine wanaamini kupitia sakata hilo itakuwa njia rahisi ya kuiangusha Serikali ya Rais Kikwete bungeni.

Hivyo, kila mmoja analiangalia kivyake na si kweli wote wanaopigania hilo ni kwa ajili ya maslahi ya taifa. Ingekuwa ni maslahi ya taifa wangetuambia kwenye sh. bilioni 306 za Escrow za umma ziko sh. ngapi?

Nimalizie kwa kueleza tunaingia mwaka 2015, tudumishe upendo, umoja na mshikamano wetu. Najua wapo ambao watakaosema nimetumwa. Sijatumwa. Sitajali.

Kubwa zaidi kila Mtanzania ana haki ya kutoa maoni yake kwa kile anachokiamini anaweza kuchangia alau kidogo hasa kwa kuzingatia mwaka 2014 umebakisha saa chache tu wa uhai wake.

Karibu mwaka 2015, nitumie nafasi hii kuwataka mafanikio mema kwenye mwaka wa uchaguzi wanasiasa wote. Mwaka ambao kila anayetaka kugombea udiwani, ubunge au urais anarudi kuomba kura kwetu.

Nawaheshimu wanasiasa wote na wa vyama vyote. Kwenye ukweli nipo pamoja nanyi na kwenye uongo nitakuwa kando yenu.

Tuwasiliane 0713833822
 
Supported by Tone Multimedia Company Limited
Copyright © 2012. Arusha Yetu - All Rights Reserved
Designed by Fredy Tony Njeje
Proudly powered by Blogs za Mikoa