VYAMA VYAMTAKA SIMBACHAWENE.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Waziri wa Tamisemi, George Simbachawene 
 Vyama vinne vya wafanyakazi mkoani hapa vimemuomba Waziri wa Tamisemi, George Simbachawene, kufanya ziara na kuzungumza na viongozi wake ili kuzipatia ufumbuzi kero za muda mrefu na kuleta tija kazini.
Katibu wa Chama cha Wafanyakazi wa Serikali Kuu na Afya (Tughe) mkoani hapa, Samwel Magero akisoma tamko kwa niaba ya Chama cha Walimu Tanzania (CWT), Chama cha Wafanyakazi wa Serikali za Mitaa (Talgwu) na Chama cha Wafanyakazi wa Taasisi za Elimu ya Juu, Sayansi, Teknolojia, Habari na Utafiti (Raawu), alisema wametoa ombi hilo baada ya ngazi za chini kushindwa.
Juzi, kikao cha Baraza la Wafanyakazi wa Halmashauri ya Arusha kilivunjika baada ya viongozi wa vyama hivyo kudai kupata wito wa kuhudhuria kutoka kwa mwenyekiti ambaye ni mkurugenzi mtendaji wakati ujumbe wao katika baraza hilo ulikoma mwaka 2011.
Alisema licha ya kasoro hiyo, pia waligomea kikao cha bajeti ya halmashauri baada ya kubaini makabrasha waliyopewa yalikuwa na kurasa 35 badala ya kurasa 106.
“Tumegomea kikao hicho kutokana na wajumbe kukosa sifa. Pia mchanganuo wa bajeti za idara muhimu hazimo ambazo ni afya, maji na elimu na halmashauri zote katika Mkoa wa Arusha zimo, isipokuwa ya Monduli haina mabaraza halali ya wafanyakazi. Pia, kuna madai ya fedha za watumishi zaidi ya Sh120 milioni hazijalipwa tangu 2012,” alisema.
Katibu wa CWT wa mkoa huo, Hassan Said alisema baraza hilo lilipaswa kufanya vikao viwili kwa mwaka, lakini wenyeviti wamekuwa wakiitisha kimoja cha bajeti ambacho hakitoi nafasi ya majadiliano na mwajiri ili kupunguza changamoto.
“Tunamuomba waziri aje kuzungumza na viongozi wa vyama vya wafanyakazi kujadiliana matatizo kati ya wanafanyakazi na viongozi wa wilaya, mkoa na sisi,” alisema.
Mkurugenzi Mtendaji wa Halmashauri ya Arusha, Fidelis Lumato alisema kesho watakuwa wamepata wajumbe halali ili kujadili bajeti .

WAOMBA MALIMBIKIZO YA WALIMU KULIPWA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

CHAMA cha Walimu Tanzania (CWT) wilayani Arumeru, kimeomba serikali kuharakisha malipo ya malimbikizo ya madeni yanayofikia Sh milioni 800 katika wilaya hiyo ili kuwawezesha walimu kufanyakazi kwa kasi zaidi.

Aidha, chama hicho jana kiliwaaga walimu wastaafu 31 wilayani humo na kuwapatia zawadi ya mabati 620, kila mmoja akipata mabati 20 kama kumbukumbu ya utumishi wa ualimu nchini.
Akizungumza jana wakati wa hafla ya kuwaaga waalimu hao, Katibu wa CWT wilayani Arumeru, Joyce Kijazi, alisema serikali ikiharakisha kulipa madeni ya walimu, itahamasisha utendaji kazi ulio bora zaidi.

Aliiomba serikali kuharakisha ulipaji wa madeni hayo yaliofikia Sh milioni 800 kwa wilaya hiyo, fedha ambazo ni mapunjo ya mishahara, mishahara ya nyuma, fedha za uhamisho, matibabu, mazishi na masomo.

Kijazi alisema madeni hayo ni malimbikizo ya tangu mwaka 2009. Kuhusu walimu waliostaafu, alisema zawadi hiyo ya mabati 20 kwa kila mmoja ni moja ya utekelezaji wa agizo lililotolewa katika mkutano mkuu wa CWT Taifa, uliokaa mwaka 2014 na kuazimia kuwapatia mabati 20 kwa kila mwalimu atakayestaafu kuanzia kipindi cha Julai 2015.
Walimu hao 31 walistaafu kati ya Julai na Septemba mwaka jana.
CHANZO: GAZETI LA HABARI LEO.

WAZIRI WA MAGUFURI 'AMPINGA' LOWASSA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
Waziri wa Fedha na Mipango, Dk. Philip Mpango.
Ikiwa zimepita siku 40 tangu aliyekuwa mgombea urais wa Chadema, Edward Lowassa, kusema baadhi ya wafanyabiashara waliounga mkono upinzani wanasumbuliwa kwenye kodi, Waziri wa Fedha na Mipango, Dk. Philip Mpango, amemjibu bila kumtaja jina moja kwa moja.
 
Januari Mosi, mwaka huu, akitoa salamu za mwaka mpya katika Kanisa la Kiinjili la Kilutheri Tanzania (KKKT) Usharika wa Monduli, Lowassa alisema amepokea malalamiko ya kuwapo kwa uonevu na vitisho kwa wadau walioonekana kuunga mkono vyama vya upinzani wakati wa kampeni.
 
Alisema hali hiyo ilitokea ilhali hatua ya wafanyabiashara hao haikukiuka Katiba, hivyo kuzitaka idara zinazohusika kuchukua hatua ili kuepusha  matatizo yasiyo ya lazima.
 
“Imeanza kutokea tabia ya kuwalaumu na 'kuwa-harass' (kuwasumbua) wale waliounga mkono vyama vya upinzani. Wanawa-harass kwenye kodi, nasikia wanawa-harass kwenye miradi na hata mitaani, hili si jambo zuri,” alisema Lowassa.
 
DK. MPANGO AMJIBU  
Jana, Dk. Mpango akizungumza na wafanyabiashara kwa lengo la kufahamiana na kuelezana mikakati ya serikali, alisema operesheni iliyoendeshwa bandarini kwa wafanyabiashara waliokwepa kulipa kodi, haikuwa na lengo la kuwabana wale waliosaidia upinzani wakati wa uchaguzi mkuu.
 
Alisema hatua ya serikali ya kukusanya kodi kwa nguvu kwa wafanyabiashara hao haikuwa na lengo la kuwanyanyasa.
“Dhana iliyopo sasa kuwa hatua iliyochukuliwa na serikali bandarini ya makontena kuwa iliwalenga baadhi ya wafanyabiashara waliousaidia upinzani, si ya kweli,” alisema.
 
Kauli hii ya Dk. Mpango inatafsiriwa  ilikuwa ikimjibu kumjibu Lowassa kwa kuwa tangu kumalizika kwa uchaguzi mkuu ni kiongozi huyo pekee  aliyekuwa akiungwa mkono na vyama vinavyounda Umoja wa Katiba ya Wananchi (Ukawa), ndiye alijitokeza hadharani na kulalamikia kunyanyaswa kwa wafanyabiashara waliokuwa wakiunga mkono upinzani wakati wa kampeni.
 
Akizungumza na wafanyabiashara hao jana, Dk. Mpango alisema serikali ya awamu ya tano inatambua mchango wa wafanyabiashara hivyo itashirikiana nao katika kujenga uchumi wa nchi.
 
Alisema dhana kuwa hatua iliyochukuliwa na serikali bandarini iliwalenga wafanyabiashara waliowasaidia wapinzani wakati wa kampeni si ya kweli.
 
“Serikali ya Rais Dk. John Magufuli inatambua umuhimu wa uwekezaji katika uchumi wa nchi. Dhamira yangu ni kufanya kazi na wafanyabaishara wakubwa na wadogo,” alisema Dk. Mpango.
 
Alisema serikali ya Rais Magufuli haitawavumilia wafanyabiashara wachache ambao wanakwepa kodi na kuwataka waache tabia hiyo mara moja kwa kuwa itatumika sheria na hakuna mfanyabishara yeyote atakayeonewa.
 
Alisema kama kutakuwa na mfanyabishara atakayeonewa na mfanyakazi wa Mamlaka ya Mapato Tanzania (TRA), atoe taarifa wizarani haraka.
 
Aliongeza kuwa hapendi kuwa waziri ombaomba kwa kuwa amechoka kuwasindikiza wengine na kusema masharti ya kuomba misada ni makubwa na mengine hayatekelezeki, akitolea mfano wa kukubali sheria ya ndoa ya jinsia moja.
 
Alisema serikali ya awamu ya tano imedhamiria kuwahudumia wanachi kwa kuwapa huduma bora za kijamii pamoja na kuwa na uchumi imara, kuziba mianya ya ukwepaji kodi na kukusanya mapato.
 
Katika hatua nyingine, Dk. Mpango aliwaambia wafanyabiashara hao katika bajeti ya mwaka wa fedha 2016/17, serikali itafuta ushuru na tozo ndogo ndogo ambazo zimekuwa kero kwa wafanyabiashara.
 
Kadhalika, alisema bajeti hiyo itajielekeza katika kujenga uchumi imara wenye viwanda, miradi mikubwa itakayoleta matokeo makubwa na ajira nyingi pamoja na maeneo wezeshi kwa ajili ya kujenga viwanda kama vile uwapo wa umeme wa uhakika, bandari na ardhi.
 
Dk. Mpango alisema serikali imeziagiza taasisi zake zinazojihusisha na tozo kuorodhesha na kuleta aina zote za tozo ambazo wanatoza ili kuzifuta.
 
Alisema serikali ya awamu ya tano inatambua umuhimu wa uwekezaji katika uchumi, hivyo itashirikiana na wafanyabiashara wakubwa na wadogo.
 
Waziri huyo alisema katika bajeti ijayo serikali itajielekeza katika viwanda ambavyo malighafi zake zinapatikana nchini kama vile misitu, uvuvi, madini na kilimo.
 
Dk. Mpango alisema kutajengwa viwanda vikubwa vitakavyoweza kuajiri idadi kubwa ya watu kama vile kiwanda cha nguo, viatu na mafuta ya kupikia.
 
Alisema kwa sasa msajili wa hazina ameshaelekezwa na ameanza kufanya uchambuzi kwa viwanda vilivyobinafsishwa lakini havifanyi kazi inavyotakiwa.
 
Dk. Mpango alisema serikali itawanyang’anya wamiliki wa viwanda hivyo na kuwapatia wabia ambao wanaweza kuviendeleza.
Alisema bajeti ijayo pia itajielekeza katika ujenzi wa reli ya kati ya kisasa ambayo inahitaji Sh. trilioni nane hadi tisa kukamilisha ujenzi wake, na serikali haiwezi kujenga kwa fedha za bajeti.
 
Naye Mwenyekiti wa Kamati ya Ushauri na Sera kutoka Taasisi ya Sekta Binafsi Tanzania (TPSF), Felix Mosha, alisema serikali inapaswa kutafuta mfumo ambao utalinda viwanda vya ndani, pamoja na utaratibu wa kuwekeza katika kilimo.
Alisema hakuna taifa litakalokuwa kiuchumi bila ya kuwekeza katika kilimo.
 
Rais wa Chama  cha Mawakala wa Forodha Tanzania (Taffa), Stephen Ngatunga, alisema tozo nyingi ambazo wafanyabishara wanatozwa, hazina umuhimu wowote.
 
Alisema bandarini kuna majangili wengi wa ushuru na kodi, huku akipendekeza malipo yote kulipwa kwa shilingi badala ya dola na kuongeza kuwa TRA inapaswa kukusanya tozo ya kuhifadhi mizigo bandarini badala ya Mamlaka ya Usimamizi wa Bandari.
 
CHANZO:GAZETI LA  NIPASHE

ELIMU BORA ITOKANE NA WALIMU BORA - MELISA

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.

Kushoto ni Afisa Elimu wa Shule za Msingi wilaya ya Arumeru Tumsifu Mushi akikabidhi tuzo za Walimu Bora kwa mshindi wa Kwanza Maganga Lorry wa shule ya msingi Mbaaseny ,katikati ni Mkurugenzi wa Shirika lisilokua la kiserikali  la The Foundation for Tomorrow  (TFFT) ,Melissa Queyquen akishuhudia tukio hilo lililoandaliwa na shirika lake .,jumla ya walimu 200 wameshiriki ambapo walimu 10 walipatia tuzo na zawadi mbalimbali.
Afisa Elimu wa Shule za Msingi wilaya ya Arumeru Tumsifu Mushi akizungumza katika utoaji wa tuzo za Walimu Bora ,,jumla ya walimu 200 wameshiriki ambapo walimu 10 walipatia tuzo na zawadi mbalimbali.Picha na Ferdinand Shayo
Kushoto ni Afisa Elimu wa Shule za Msingi wilaya ya Arumeru Tumsifu Mushi akikabidhi tuzo za Walimu Bora kwa mshindi wa 5 Mwalimu Clara Ernest wa shule ya Msingi Tuvaila ,
katikati ni Mkurugenzi wa Shirika lisilokua la kiserikali  la The Foundation for Tomorrow  (TFFT) ,Melissa Queyquen akishuhudia tukio hilo lililoandaliwa na shirika lake .,jumla ya walimu 200 wameshiriki ambapo walimu 10 walipatia tuzo na zawadi mbalimbali.

washindi wa tuzo za walimu bora wakiwa katika picha ya pamoja na Mkurugenzi wa Shirika lisilokua la kiserikali  la The Foundation for Tommorrow  (TFFT) ,Melissa Queyquen akishuhudia tukio hilo lililoandaliwa na shirika lake .,jumla ya walimu 200 wameshiriki ambapo walimu 10 walipatia tuzo na zawadi mbalimbali.
washindi wa tuzo za walimu bora wakiwa katika picha ya pamoja na Mkurugenzi wa Shirika lisilokua la kiserikali  la The Foundation for Tommorrow  (TFFT) ,Melissa Queyquen akishuhudia tukio hilo lililoandaliwa na shirika lake .,jumla ya walimu 200 wameshiriki ambapo walimu 10 walipatia tuzo na zawadi mbalimbali.
Mkurugenzi wa Shirika lisilokua la kiserikali  la The Foundation for Tommorrow  (TFFT) ,Melissa Queyquen akizungumza na walimu katika Halfa ya Utoaji tuzo za walimu bora kwa walimu wa shule za msingi wilaya ya Meru zilizofanyika jana ,jumla ya walimu 200 wameshiriki ambapo walimu 10 walipatia tuzo na zawadi mbalimbali.
washindi wa tuzo za walimu bora wakiwa katika picha ya pamoja na Mkurugenzi wa Shirika lisilokua la kiserikali  la The Foundation for Tommorrow  (TFFT) ,Melissa Queyquen akishuhudia tukio hilo lililoandaliwa na shirika lake .,jumla ya walimu 200 wameshiriki ambapo walimu 10 walipatia tuzo na zawadi mbalimbali.Picha na Ferdinand Shayo
Na Ferdinand Shayo wa Wazalendo 25 Blog ,Arusha.

Serikali imetakiwa kuboresha mazingira bora ya walimu ili kukuza na kuboresha kiwango cha elimu nchini kwani walimu ni kiungo muhimu katika elimu ambacho kinapaswa kupewa kipaumbele kwenye kutimiza azma ya serikali kutoa elimu bora kwa Watanzania.

Mkurugenzi wa Shirika lisilokua la kiserikali  la The Foundation for Tomorrow  (TFFT) ,Melissa Queyquen ameyasema hayo jana wakati wa utoaji wa tuzo za walimu bora wa shule za msingi za serikali kwa kutambua mchango wa walimu katika maendeleo ya elimu nchini na ustawi bora wa jamii .

Melisa alisema kuwa maendeleo ya taifa lolote lile yanategemea ubora wa elimu waliyonayo watu wake hivyo ni vyema serikali inapofikiria kuboresha elimu ifikirie kuboresha mazingira ya walimu kuanzia kitaaluma wanapoandaliwa kwenda kufundisha ,vifaa vya kufindishia pamoja na stahiki zao.

Bila Walimu Bora hakuna Elimu Bora ,Tumeamua kuwatia moyo wa walimu kwa kutoa tuzo hizi na vyeti vya kutambua mchango wao ,washindi ni 10 mshindi wa kwanza amepatiwa cheti na shilingi la kitano,na washindi wengine tumewapatia vyeti na fedha taslimu” Alisema Melisa

Afisa Elimu wa Shule za Msingi  Wilaya ya Meru  Tumsifu Mushi  amewataka walimu kufanya kazi ya ualimu kwa moyo na kwa kujituma huku wakitambua kuwa wana wajibu mkubwa wa kuandaa wataalamu watakaoisaidia jamii,taifa na duni jukumu ambalo ni nyeti linapaswa kubebwa kwa uzito unaostahili.

Kwa upande wao walimu waliopewa tuzo hizo Rose Salim wa shule ya Msingi Uraki na Ekaeli Newasha wa Shule ya msingi Kimundo wamesema kuwa kundi la walimu limekua likisahaulika mchango wake katika jamii hivyo tuzo hizo Zimeamsha ari  na hamasa ya kufanya kazi kwa bidii.

“Kazi ya ualimu unapaswa uwe unapenda watoto  unapenda kuwasaidia waweze kufika mbali kitaaluma ,binafsi nimefanya kazi hii kwa miaka mingi na ninaipenda sana” Alisema Mwalimu Rose Salim

MRADI WA NG'OMBE KUWANUFAISHA WANAWAKE WA VIJIJINI WILAYANI NGORONGORO

  Mkuu wa Wilaya ya Ngorongoro Mhe. Hashim Mgandilwa akiongea na wakazi wa Ngorongoro wakati wa kukabidhi Ng'ombe hao
 Robert Kamakia kutoka shirika la PALISEP akimkabidhi Mkuu wa Wilaya Mhe. Hashim Mgandilwa risala kuhusu makabidhiano hayo. Theresia Irafay, Afisa Maendeleo ya Jamii wilaya ya Ngorongoro akizungumza wakati wa ugawaji wa Ng'ombe hao.
 Laurent Wambura kutoka shirika la Oxfam akizungumza wakati wa ugawaji wa Ng'ombe hao.
Mh. Hashim Mgandilwa, Mkuu wa wa Wilaya ya Ngorongoro akikabidhi Ng'ombe kwa wanawake wa wilaya ya Ngorongoro.
 Wakazi wa vijiji vya Enguserosambu, Naan, Ng’arwa na Orkiu Juu wakihudhuria ugawaji wa Ng'ombe uliofanyika katika kijiji cha Enguserosambu.
 Picha ya pamoja 

Wanawake wenye kipato cha chini kutoka vijiji vinne vya wilaya ya Ngorongoro wamekabidhiwa Ng’ombe ili kuwasaidia kuondokana na umasikini.

Wanawake hao wapatao 28 kutoka vijiji vya Enguserosambu, Naan, Ng’arwa na Orkiu Juu walichaguliwa kulingana na hali yao ngumu ya maisha inayowapelekea wakati mwingine kunyanyaswa kijinsia kupitia mfumo dume. Wanawake wengine 15 watakabidhiwa Ng’ombe wao mnamo mwezi Machi mwaka huu kufanya idadi ya wanufaika kufikia 43.

Makabidhiano hayo yaliyofanyika katika kijiji cha Enguserosambu yalihudhuriwa na  Mkuu wa Wilaya ya Ngorongoro, viongozi mbalimbali wa vijiji, pamoja na wakazi wa eneo hilo.

Akikabidhi Ng’ombe hao Mkuu wa Wilaya ya Ngorongoro Mhe. Hashim Mgandilwa aliwataka wanawake hao kuhifadhi vizuri mifugo hiyo ili iwasaidie kujikwamua kiuchumi kwa kuuza bidhaa zitokanazo na Ng’ombe ikiwemo maziwa. Aidha Mkuu huyo wa wilaya alitoa rai kwa viongozi wa vijiji hivyo kuhakikisha kwamba inapotokea misaada kama hii iwanufaishe walengwa ambao mara nyingi ni watu maskini ili kuwaepusha na balaa la njaa.

Ng’ombe hao wametolewa kama msaada na shirika la Oxfam kupitia wadau wake shirika la PALISEP.

Akizungumza katika hafla hiyo Meneja wa programu ya wafugaji wa Shirika la Oxfam ndugu Laurent Wambura alisema shirika lake limefanya hivi ili kuwainua kiuchumi wanawake wenye kipato cha chini na kubadilisha mtazamo wa jamii ione kwamba hata wanawake wanaweza kumiliki mali ikiwemo mifugo na kubadilisha kabisa maisha yao.

Naye Mkurugenzi wa shirika la PALISEP Robert Kamakia alisema lengo la mradi huo ni kuwezesha upatikanaji wa lishe bora na maziwa kwa familia zisizo na uwezo pamoja na kupunguza makali ya magonjwa kwa watoto kama vile utapiamlo.

Hii sio mara ya kwanza kwa shirika la Oxfam kugawa Ng’ombe katika wilaya ya Ngorongoro, mnamo mwaka 2014 wanawake wapatao 66 walinufaika na mradi huu kwa kugawiwa ngo’mbe mmoja jike kila mmoja huku viongozi wa vijiji vinne vya Enguserosambu, Naan, Ng’arwa na Orkiu Juu wakikabidhiwa madume 6 wa mbegu kama sehemu ya kuboresha mifugo ili kukidhi mahitaji ya soko. Ndama wote wanaozaliwa kama uzao wa kwanza wa Ng’ombe hawa hugawiwa kwa wanawake wengine wenye kipato cha chini hivyo kunufaisha jamii kubwa.

POMBE HARAMU ZATEKETEZWA.

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399.
Amos Makalla
KAMATI ya Ulinzi na Usalama Mkoa wa Kilimanjaro, ikiongozwa na Mkuu wa Mkoa huo,  Amos Makalla, imetekeketeza pombe haramu ya gongo lita 140, mitambo sita na mapipa 33 yenye malighafi ya kutengenezea pombe hiyo, katika Kijiji cha Kikelelwa wilayani Rombo.

Akizungumza wakati wa kuteteketeza pombe hiyo,   Makala  alisema Wilaya ya Rombo inaongoza kwa kutengeneza pombe za kienyeji zaidi ya 50 kwa kutumia kemikali ambazo ni hatari kwa afya za binadamu.

Alisema kemikali zinazotumika kiutengeneza pombe hizo haramu ni pamoja na mbolea ya urea, kinyesi cha binadamu, unga wa betri, sukari guru   na molasesi.
“Hii ni hatari ndugu zangu hatuwezi kujenga Taifa kwa njia hii, pombe haramu haikubaliki na hupoteza nguvu kazi ya Taifa, leo tumetekeza pombe hizi na kazi hii itakuwa ya kudumu na vyombo vya ulinzi vipo macho wakati wote.
“… wale watakaobainika kuendelea na biashara hii ya pombe haramu pamoja na mambo mengine ambayo ni kinyume cha sheria, watatiwa mbaroni tu,” alisema Makalla.
Baadhi ya wananchi wa kijiji hicho kilichopo mpakani mwa 

Tanzania na Kenya, walisema utengenezaji wa pombe hiyo imeleta madhara makubwa kwa wananchi wa Rombo hususan vijana hali ambayo inasababisha wanawake wengi kubeba mzigo wa kuhudumia familia.

Ofisa Mtendaji wa Kata ya Tarakea  Motamburi, Nicodemas Kimaro, alisema kazi ya ukamaji wa pombe haramu ilianza Januari mwaka huu.
“Pamoja Serikali kupiga marufuku utengenezaji wa pombe haramu zote ikiwamo gongo lakini bado kuna baadhi ya watu wamekuwa wakikaidi amri hii,” alisema Kimaro.
CHANZO,GAZETI LA  MTANZANIA

DUNIA YAAGIZWA KUMALIZA UKEKETAJI 2030

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 
FGM
WATENDAJI wakuu wa mashirika mawili makubwa ya Umoja wa Mataifa ya Shirika la Umoja wa Mataifa linaloshughulikia Idadi ya Watu Duniani (UNFPA) na Shirika la Kimataifa la Kuhudumia watoto (UNICEF) wametoa wito kwa dunia kujipanga vyema kumaliza kabisa tatizo la ukeketaji (FGM) ifikapo mwaka 2030.
Katika kauli zao walizotoa katika taarifa ya pamoja iliyotolewa na ofisi ya Mratibu wa Mashirika ya Umoja wa Mataifa mjini Dar es salaam watendaji hao Mkurugenzi Mtendaji wa UNFPA Dk. BabatundeOsotimehin, na Mkurugenzi Mtendaji wa UNCEF, Anthony Lake, wamesema ipo haja ya dunia kuadhimisha siku hiyo kwa kulenga kuwa na kiwango sifuri katika vitendo vya ukeketaji.
Mashirika hayo ya Umoja wa Mataifa yamesema kwamba ukeketaji ni vitendo vya kikatili vinavyowanyima wanawake haki yao ya msingi na kuwazuia kuchanua inavyostahili kama wanawake.
Viongozi hao wamesema kwamba vitendo vya ukeketaji vimesambaa duniani kote kuanzia Afrika, Mashariki ya Kati ambako imekuwa kama vitu vya kawaida vikiathiri pia familia katika nchi za Asia Australia, Ulaya, Amerika ya Kaskazini na Kusini.
Wamesema kwamba kama hatua zisipochukuliwa kutokomeza ukeketaji idadi ya mabinti na wanawake wanaoweza kuingizwa katika mkumbo huo itakuwa inaongezeka ikiwapeleka katika mzunguko ule ule wa kushamirisha ukeketaji na kurejesha nyuma maendeleo ya wanawake na binadamu kwa ujumla kama familia.
“ Ili kuhami utu wa mwanamke, tunahitaji kuchukua hatua sasa na kuwajibika kama dunia kutokomeza ukeketaji. “ ilisema sehemu ya taarifa ya viongozi hao kwa vyombo vya habari.
Septemba mwaka jana katika mkutano wa kutengeneza mpango wa kimataifa wa maendeleo endelevu, nchi 193 zilikubaliana kuhakikisha kwamba ukeketaji unakuw aumetokomezwa ifikapo mwaka 2030.
Taarifa hiyo imesema kwamba ili kufanikiwa wananchi wanatakiwa kushawishi familia nyingi duniani hapa kuachana na tabia ya ukeketaji.
“Tunahitaji kufanyakazi na idadi kubwa ya wataalamu wa tiba katika jamii zetu – wakiwemo waganga wa jadi na wataalamu wa kisasa wa matibabu, tukiwashawishi wakatae kutoa huduma ya ukeketaji.” Ilisema taarifa hiyo.
Aidha taarifa hiyo hiyo imetaka wanawake waliofanyiwa ukeketaji kusaidiwa huduma mbalimbali zikiwamo za kisaikolojia na nyingine zinazostahili ili kuwapunguzia maumivu waliyoyapata na wanayoendelea kuyapata kutokana na kukeketwa.

PPF WAKABIDHIWA RASMI JENGO JIPYA LA KISASA WALILOJENGA JIJINI ARUSHA LENYE THAMANI YA BILIONI 32.5

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Kiongozi Mkuu wa mfuko wa PPF (Director General) William Erio (kushoto) akipokea michoro ya jengo jipya la PPF Jijini Arusha kutoka kwa Mbunifu na Msimamizi Mkuu wa mradi wa ujenzi wa jengo hilo,  Arch. Dudley Mawalla (kulia) kutoka kampuni ya   MD Consultancy Ltd ya Dar es Salaam, katika hafla fupi ya makabidhiano rasmi ya jengo kutoka kwa mkadarasi wa kichina CREJ (EA) Ltd. Anayeshuhudia Katikati ni Injinia wa Miradi ya PPF, Injinia Marko Kapinga.



DG William Erio (pichani juu) ameisifu timu yote iliyoshiriki kufanikisha kukamilika kwa mradi huo katika ubora uliotakiwa na katika bajeti iliyopangwa mwaka 2012 bila kuongezeka pesa yoyote, kuanzia kitengo cha miradi ya PPF makao makuu, wabunifu na wasimamizi, mamlaka za Jiji, idara nyingine za Serikali na wakandarasi wenyewe. 

Jengo hilo maalumu kwa shughuli za ofisi na biashara lenye ghorofa 10 sambamba na eneo la basmenet yenye uwezo wa kupaki magari 168, lina thamani ya shilingi bilioni 32.5. Limejengwa eneo la Corridor, Kitalu Na. 15 Barabara ya zamani ya Old Moshi Jijini Arusha. lina huduma zote muhimu kwa majengo ya kisasa zikiwemo 'lifti' za kutosha, majenereta makubwa, mataki ya maji na mafuta ya jenerato, mfumo wa kukabiliana na moto na bila kusahau camera 90 za usalama na eneo kubwa la kuegesha magari ndani ya jengo.

Kwa mujibu wa Mbunifu na Msimamizi Mkuu wa mradi huo wa kisasa, Arch Mawala, ujenzi wa jengo hilo ulianza rasmi Agosti 2 mwaka 2018 ukitarajiwa kukamilika miezi 104 baadae na ulikamilika rasmi (practica completion) mwishoni mwa mwezi Disemba mwakaa jana. Hata hivyo imewachukua miaka miwili na miezi 3 kuweza kukamilisha kila kitu katika ubora wa kiwango cha juu, ambapo miezi hiyo mitatu ni ya ngongeza ya muda kutokana na sababu ambazo hazikuweza kuzuilika. 

Sehemu ya muonekano wa mbele wa jengo




Mpaka kufikia kukabidhiwa kwake hii leo, tayari ukaguzi wa mamlaka za Jiji na Usalama wa Majengo umeshakamilika na ruhusa ya matumizi kutolewa. Tayari jengo hilo limeshapata wapangaji watatu ambao wapo kwenye jengo tayari zikiwemo benki za TIB na FBNB, huku asilimia 21 ya wapangaji wengine wakiwa wamekwisha saini mikataba na PPF na wapangaji wengine 24 wakiwa katika mazungumzo.

Aidha kwa maelezo ya Mratibu wa PPF Kanda ya Kasakazini, Bw Onesmo Rushahi, Ofisi za Kanda ambazo kwa sasa ziko maeneo ya Kaloleni Jijini hapa zitahamishiwa katika Jengo hili jipya, huku mkakati wa PPF ukiwa ni kuhakikisha baada ya mwaka mmoja jengo hilo liwe limefanikiwa kupata wapangaji maeneo yote kwa shughuli za ofisi na biashara. 

Mkandarasi Mkuu ni kampuni ya CRJE (EA) Ltd akisaidiwa na wakandarasi wengine kwa huduma za jengo kama vile ICT na Usalama - SSTL Group Ltd, Lifti - S.E.C (EA) Ltd, AC - M.A.K Enginering Co. Ltd, Mfumo wa maji safi na maji taka - Jandu Plumbers Ltd, na Umeme ni Central Electrical International Ltd. Pia kulikuwa na mamlaka za kiserikali kama wasimamizi wa usalama makazini OSHA, Idara ya maji Asurha - AUWSA, NAESCO, Halmashauri ya Jiji na Bodi za Ukaguzi kama AQRB na CRB. 


Injinia Marko Kapinga, Meneja wa Utekelezaji wa Miradi ya PPF akikagua makabrasha yaliyokabidhiwa na mkandrasi kama michoro halisi ya namna jengo lilivyo kwa sasa


Kiongozi mkuu wa Kampuni ya CRJE (EA) Ltd, Bw Hu Bo (kulia) ambaye kamapuni yake ndio ilikuwa mkandarasi mkuu wa mradi akikabidhi funguo kwa Director General wa PPF Bw William Erio kama ishara ya makabdihiano ramsi ya jengo la PPF Plaza la Jijini Arusha hii leo. Kwa mbali anashuhudia Meneja wa jengo hilo kutoka PPF Bw..


Meneja wa PPF Kanda ya Kaskazini Bw Onesmo Ruhasha (kulia) akishuhudia makabidhiano rasmi ya jengo jipya la PPF Plaza la Jijini Arusha hii leo

Meneja wa PPF Uwekezaji Bw Selestine Some (kushoto) akimkabidhi ufungua kama ishara ya kuhamishia usimamizi wa jengo la PPF Plaza kwa Menenja Rasilimali, Bw Selemani Kituli wa PPF Kanda ya Kaskazini

Msimamizi Mkuu wa kazi zote za ujenzi kwa upande wa mkandarasi, kampuni ya CRJE, Bw Zhang Cuishan akitoa neno la shukrani katika hafla hiyo. 


Director General wa PPF Bw William Erio kulia pamoja na mkuu wa uwekezaji (PPF's Director of Investiment) Bw Steven Alfred 

DG William Erio katika picha ya pamoja mbeye ya sehemu kuu ya kuingilia kwenye jengo akiwa na timu ya wakandarasi, wasimamizi wabunifu wa mradi pamoja na wataalamu kutoka PPF Dar es Salaam.

Msanifu wa jengo na msimamizi mkuu wa mradi kutoka kampuni ya MD Consultancy Ltd, Arch Dudley Mawalla akiongoza ujumbe wa DG William Erio kufanya ziara ya ameneo mabalimabli ya jengo kabla ya makabidhiano rasmi.








 Msafara ukitembelea eneo la kuegeshea magari chini ya jengo la PPF Plaza. Jumla ya magari 168 yanaweza kuegeshwa katika maeneo mbalimbali yaliyotengwa ndani ya jengo.



Msimamizi Mradi mkaazi kwa niaba ya PPF, Injinia  Norbert Nselu akitoa maelezo kwa Bw William Erio namna gari zinavyoweza ingia basement na kuegeshwa.



Director General William Erio akipata maelezo ya mfumo wa usalama wa kieletronic wa jengo namna unavyofanya kazi kutoka kwa mataalamu wa maswala ya usalama na mawasialiani ya kielectronic kutoka kampuni ya SSTL Ld, Bw Athumani Pongwe ndani ya chumba cha usalama. Jumla ya kamera 90  za usalama zimeunganishwa na taarifa zake kuletwa kwenye chumba hiki.



wakiangalia moja ya viambaza vya dani ya jengo.



Hapa DG William Erio na wataalamu wengine wakifurahia utani wa wake


Meeneja wa PPF Kaskazini Bw Onesmo Ruhasha, kulia na Director General wa PPF wakijadiliana jambo wakati wa kutembelea maeeneo ya jengo. 



Baadhi ya watumishi wa PPF Kanda ya kaskazini wakiangalia moja ya maneo ambayo ni maalumu kwa wapangaji kufanya biashara ama kuweka ofisi za shughuli zao.



msimamizi mkaazi kwa niaba ya PPF, Injinia Norbert Nselu akimfafanulia DG Erio hatua kwa hatua namna ujenzi ulivyoanza mkapa kukamilika kwake.



Director General wa PPF akiangalia madhari ya Jiji la Arusha kutokea ghorofa ya nane katika moja ya baraza za jengo la PPF Plaza lililokamilika na kukabidhiwa hii leo. Pamoja nae ni Msanifu wa jengo na Msimamizi Mkuu wa Mradi Arch. D Mawalla




Bw Selemani Kituli (property manager wa PPF) na Bw Selestine Some, Meneja Uwekezaji wakifahamishana jambo katika hafla fupi ya makabidhiano ya jengo la PPF Plaza kutoka kwa Mkandarasi Mkuu CRJE (EA) Ltd


Sehemu ya timu ya washauri wasimamizi wa mradi kwa maswala ya gharama, uimara na huduma (Project Costs, Structural Strength na Building Services Engineering) 






Msimamizi mradi mkaazi (Clerk of Works) kwa naiab ya PPF, Injinia Norbert Nselu akifafanua jambo katika hafla hiyo fupi ya makabidhiano kwa Director General wa PPF haonekani pichani.





Mkuu wa Kampuni ya CRJE (EA) Ltd, kampuni ya kichina ambayo ndiyo ilikuwa mkandarasi mkuu wa mradi uliokamilika wa jengo la PPF Plaza la Jijini Arusha akitoa salamu zake katika hafla fupi ya makabidhiano ya jengo hilo



Director General wa PPF Bw William Erio akisalimiana na Bw Habib O Kiango, mmoja wa watumishi wa ofisi ya PPF Kanda ya Kaskazini iliyoko Kaloleni Jijini Arusha. 


Director General wa PPF, Bw William Erio akisalimiana na Bi Getrude Haule, ambaye pia ni mmoja wa watumishi wa ofisi ya PPF Kanda ya Kaskazini iliyoko Kaloleni Jijini Arusha katika hafla ya makabidhiano ya jengo jipya la PPF Jijini hapa. Anayeshuhudia ni Bi Grace Estomih, mtumishi pia wa PPF Kanda ya Kaskazini ofisi ya Arusha. 



DG William Erio akitaniana na wafanyakazi wa taasisi anayoisimamia ofisi ya Kanda ya Kaskazini, Arusha hii leo




Director General wa PPF, Bw William Erio akisalimiana na Bw  Fortunatus Woiso, ambaye pia ni mmoja wa watumishi wa ofisi ya PPF Kanda ya Kaskazini iliyoko Kaloleni Jijini Arusha katika hafla ya makabidhiano ya jengo jipya la PPF Jijini hapa.



Mbunifu/msanifu mkuu  na msimamizi mkuu wa mradi wa jengo la PPF Plaza la Jijini Arusha, Arch. Dudley Mawalla akizungumza na wataalamu washauri wa masuala ya gharama za ujenzi ambao walisimamia fedha zote za mradi kwenda kwa wakandarasi na kuandaa bajeti yake, QS Mrosso (kushoto) kutoka kampuni ya Cost Consult Ltd ya Jijini Dar es Salaam.

PICHA&MAELEZO : TUMAINIEL SERIA, ARUSHA
 
Supported by Tone Multimedia Company Limited
Copyright © 2012. Arusha Yetu - All Rights Reserved
Designed by Fredy Tony Njeje
Proudly powered by Blogs za Mikoa