Diwani asaidia uji shuleni

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

DIWANI wa Levelosi, Ephata Nanyaro (CHADEMA), ametoa msaada wa unga, mahindi na sukari kwenye Shule ya Msingi Levelosi ili kuwawezesha wanafunzi kupata uji nyakati za mchana baada ya serikali kushindwa kuwapatia chakula wawapo shuleni.

Nanyaro alitoa msaada wa sukari kilo 105 na unga wa mahindi kilo 220  juzi  na kukabidhiwa kwa mwalimu wa chakula, Frida Malya, mbele ya  Mwalimu Mkuu, Elisante Kaaya,  walimu wengine na wanafunzi wa shule hiyo.

Alisema ataendelea na utaratibu wa kupeleka msaada kama huo ili kuhakikisha wanafunzi wanapata uji kwa kipindi chote cha mwaka, jambo alilosema litasaidia kuwapunguzia wanafunzi njaa.

Chanzo;Tanzania Daima