TPF kuboresha zawadi za washindi‏, ni katika mashindano ya TPF Challenge Cup

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

Na Bertha Mollel - Arusha

Kampuni ya shamba la kuku la Tanzania poultry farm wameboresha zawadi za washindi wa mashindano ya TPF challenge cup yanayoendelea kutimua vumbi  wailayani Arumeru mkoani Arusha.

Wakurugenzi wa Tanzania poutry farm Amini Bathawab na msaididizi wake Abdallah Bathawabu walifikia hatua ya kuongeza zawadi zaidi kwa mchezaji bora, mfungaji bora na golikipa bora baada ya kuridhishwa na viwango vya ubora wa mashindano hayo ya mpira wa miguu yaliyofikia hatua ya nusu fainali sasa.

Kwa mujibu wa bathawab wao kama wadhamini wakuu wa mashindano hayo watatoa kikombe kwa kila mchezaji bora, mfungaji bora pamoja na golikipa bora sanjari na fedha taslimu kiasi cha shilingi elfu hamsini ikiwa ni kunogesha ushindani na nidhamu katika mashindano hayo iweze kuleta malengo yaliyotarajiwa ya kukuza vipaji.

‘’Kama unavyofahamu awali tulipanga kutoa zawadi kwa mshindi wa kwanza hadi watatu pamoja na timu yenye nidhamu lakini baada ya kuona ushindani na ubora wa mashindano tumeongeza zawadi hizi ili kuleta tija kwa wanamichezo wanaoshiriki katika mashindano haya’’ alisema bathawabu.

Mashindano ya TPF chalenge cup yalianza wiki mbili yakishirikisha jumla ya timu nane na sasa zimebaki timu nne ambazo zimefanikiwa kuingia hatua ya nusu zitakazochezwa mwishoni mwa wiki hii.

Mratibu wa mashindano hayo Ahmed shabiby amezitaja timu zilizoingia nusu fainali kuwa ni TPF SC na Makumira kutoka kundi A na Chacky accdemy na Imbaseni Accademy kutoka kundi.

Ratiba ya nusu fainali itakuwa inaonyesha nusu fainali ya kwanza itakuwa kati ya Chacky Accademy dhidi ya Makumira na Imbaseni Accademy itakutana na TPF na washindi watacheza fainali siku ya jumapili.