Tato yaongeza kasi Jeshi la Polisi

Ikiwa unatukio lolote au jambo lolote tuma kupitia Barua pepe yetu blogzamikoa@live.com au Whatsapp namba +255765056399. 

CHAMA cha Waongoza Watalii Tanzania (TATO) kimetoa msaada wa pikipiki 15 kwa Jeshi la Polisi mkoani Arusha ikiwa ni sehemu ya kuunga mkono jitihada za jeshi  hilo  kupambana na wahalifu hasa wanaotumia  pikipiki ambao wameshamiri katika maeneo mengi nchini.

Akizungumza katika makabidhiano ya pikipiki hizo hivi karibuni, Mwenyekiti wa Tato, Wilbard George, alisema msaada huo unaweza kuongeza tija ya Jeshi la Polisi katika kupambana na vitendo vya uhalifu katika Mkoa wa Arusha ambao ni kitovu cha utalii na kuongeza pato la mkoa.

Alisema chama hicho kimeamua kujitolea kutambua changamoto za vifaa zinazolikabili jeshi hilo katika kutimiza wajibu wake wa kulinda raia na mali zao.

Chanzo;tanzania Daima